SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७६/६/१८ गते
    ८५३ &#२३४६;&#२३३५;&#२३२५;

    प्रधानमन्त्री केपी ओलीले छिमेकी चीनसँगको सम्बन्ध थप उचाइमा पुग्ने बताएका छन् । चिनियाँ राष्ट्रपति सी चिनफिङको छिट्टै हुन लागेको भ्रमणले दुई देशको मित्रता सुदृढ हुने बताएका हुन् । ‘हामी कोहीसँग झुक्दैनौं, कतै ढल्कँदैनौं,’ प्रधानमन्त्री ओलीले बिहीबार सरकारी सञ्चारमाध्यमका प्रतिनिधिसँग भने, ‘नेपाललाई भूपरिवेष्टितबाट भूजडित, जलजडित, हवाईजडित र सञ्चारजडित बनाउन लागेका छौं ।’ प्रधानमन्त्री ओलीले छिमेक सम्बन्ध सुमधुर, सुढृढ, विश्वसनीय र उचाइमा पुगेको दाबी गरेका छन् ।

    राष्ट्रपति सी आगामी २५ गते नेपाल आउने भनिए पनि कार्यतालिका बाहिर ल्याइएको छैन । भ्रमणको तयारी भने तीव्र रूपमा छ । सडक मर्मतदेखि सुरक्षा समन्वयसम्मको तयारी भएका छन् । दुईपक्षीय वार्तामा नेपालले राख्ने प्रस्तावबारे पनि छलफल जारी छ ।

    प्रधानमन्त्री ओलीले चीनसँग आफूले मित्रता अभिवृद्धिमा जोड दिने भएकाले यसमा लाभहानिको हिसाबकिताब नहुने स्पष्ट पारे । चीनका राष्ट्रपति सीको भेटघाटमा सरकार र जनस्तरको सम्बन्ध अभिवृद्धि हुने उनको भनाइ छ । प्रधानमन्त्री ओलीले भने, ‘भ्रमणले पक्कै प्रतिफल प्राप्त होला । तर सपिङ लिस्ट बनाएर कुरा हुँदैन । मित्रताको मूल्य सर्वाधिक हुन्छ ।’

    चीनसँग लगानी, व्यापार र प्रविधि हस्तान्तरणबारे छलफल हुने पनि प्रधानमन्त्रीले बताएको प्रेस सल्लाहकार कुन्दन अर्यालले जानकारी दिए । प्रधानमन्त्री ओलीले सीको भ्रमणको तिथि नतोकी छिट्टै हुनेमात्र बताए । नेकपाका अध्यक्षसमेत रहेका ओलीले चिनियाँ कम्युनिस्ट पार्टीसगँ सहकार्य भएकै आधारमा नेपाल ‘सी विचारधारा’ मा गयो भनेर बदनाम गर्ने प्रयास भइरहेको बताए । केही समयअघि चिनियाँ कम्युनिस्ट पार्टीका विदेश विभाग प्रमुख सुङ ताओले नेकपाका शीर्ष नेताहरूलाई प्रशिक्षण दिएका थिए । सो क्रममा चिनियाँ कम्युनिस्ट पार्टी र नेकपाबीच ६ बुँदे सहमति भएको थियो । अन्नपूर्ण पोस्टबाट

    प्रतिकृया दिनुहोस्

    Loading...

    ‘समृद्ध प्रदेशः सुखी प्रदेशवासी’ प्रतिको कटाक्ष स्वीकार्य हुँदैन : अधिकारी

    पोखरा ।नेकपा (एमाले) गण्डकी प्रदेश संसदीय दलका नेता तथा गण्डकी प्रदेशका निवर्तमान मुख्यमन्त्री खगराज अधिकारीले...

    प्राकृतिक स्रोत तथा वित्त आयोगले गण्डकी प्रदेश प्रमुख समक्ष पेस गर्‍यो वार्षिक प्रतिवेदन

    पोखरा। राष्ट्रिय प्राकृतिक स्रोत तथा वित्त आयोगले गण्डकी प्रदेशका प्रदेश प्रमुखसमक्ष आर्थिक वर्ष २०७९÷८० को...

    नेपाल प्रहरीका उच्च अधिकारी र एनआरएनए अमेरिका पश्चिम क्षेत्रीय संयोजक विच भेटघाट

    अमेरिका। एनआरएनए अमेरिका पश्चिम क्षेत्रीय संयोजक र प्रहरीका उच्च अधिकारी विच भेटघाट सम्पन्न भएको छ...

    ‘पूर्ण बहादुरको सारङ्गी’मा अञ्जना बराइली

    काठमाडौं । फिल्म ‘पूर्ण बहादुरको सारङ्गी’मा नायिका अञ्जना बराइली अनुबन्धित भएकी छन् । सेभेन सिज...

    हाजिर जमानीमा ९ दिनपछि छुटे कैलाश सिरोहिया

    काठमाडौं । कान्तिपुर मिडिया ग्रुपका अध्यक्ष कैलाश सिरोहिया ९ दिनपछि हिरासतमुक्त भएका छन् । जिल्ला...

    Loading…

    फेसबुकमा हामीलाई लाईक गरौं