काठमाण्डौं । तीज पर्वको नाममा गीत संगीत र संस्कृती असभ्य भएको गुनासो बढ्दै गइरहेका बेला आयो आधुनिक जमाना बोलको गीत सार्वजनिक भएको छ ।
भिटेनको र्याप बाट तीज गीत निकालेसो आरोप लागेको छ गीतमा अघि पछि आधुनिक वा आफुलाई सुहाउँदो पहिरन लगाएपनि शुभकार्य र पर्वमा भने भेषभुषालाई ध्यान दिनुपर्ने बताउन खोजिएको छ ।
गीतको सानो अंश ।
पुरुष – अघि पछि बाहिर हिड्दा जीन्सको पाइन्ट लाइन्छ
शुभकार्य चाडपर्वमा दौरा सुरुवाल चाइन्छ
महिला – पाइन्ट लाउँछु स्कर्ट लाउँछु सबलाई डाहा छ
छोरी हुँ म इजत बेइजत रामै थाहा छ
सिर्जू अधिकारी र राजेश बर्देवाको स्वर रहेको गीतमा शर्मिला तामाङ्गको शब्द रहेको छ । संगीत र संयोजन समेत स्वयम राजेशकै रहेको छ । अमृत सुनुवारको छायाँकन रहेको गीतमा निर्मल क्षेत्री र सरु धिमालले कम्मर भाँचेका छन् ।
मनोज कार्कीले सम्पादन गरेको गीतमा रबि सुनारको कोरियोग्राफी अडियो तथा भिडियो परिकल्पना राजेश बर्देवाकै रहेको छ । आयो आधुनिक जमाना भनेपनि गीतले अहिलेका युवायुवतिलाई सकरात्मक सन्देश दिन खोजेको छ ।
