SuchanaKendra

  • Radio Kushum


  • सुचनाकेन्द्र संवाददाता प्रकाशित : २०८०/७/१८ गते
    ५५३ &#२३४६;&#२३३५;&#२३२५;

    काठमाडौं। नेकपा (एमाले) ले कोशी प्रदेशका मुख्यमन्त्री केदार कार्कीलाई दिएको समर्थन पनि फिर्ता लिने भएको छ । एमाले कोशी प्रदेशका प्रमुख सचेतक रेवती रमण भण्डारीले एमाले सरकारबाटै बाहिरिइसकेपछि समर्थन दिइरहन पर्ने आवश्यकता नरहेको बताए ।आगामी सोमबार बस्ने एमाले कोशी प्रदेश संसदीय दलको बैठकले सरकारलाई दिएको समर्थन फिर्ता लिने र आवश्य अन्य विषयमा निर्णय गर्ने उनले बताए ।

    ‘हामीले कांग्रेसलाई तपाईँहरुनै मुख्यमन्त्री चलाउनुस् भनेर समर्थन दिँदा फेरि गठबन्धन किन चाहिने ? ५÷६ वटा दल सरकारमा सामेल किन गर्नपर्ने ? हामी सरकारबाटै बाहिरिएपछि समर्थन दिइरहन पर्ने आवश्यकता अहिले देखिँदैन,’– रिपोर्टर्स नेपालका लागि पत्रकार मोहन बुढाक्षेत्रीसँग संवाद गर्दै भण्डारीले भने ।

    मुख्यमन्त्री कार्कीको नेतृत्वमा सरकार बन्दाको परिस्थिति स्मरण गराउँदै प्रमुख सचेतक भण्डारीले एमालेसँग भएको सहमतिको बेवास्ता गरेर केन्द्रको गठबन्धन फेरी प्रदेशमा लादेकाले आफूहरु सरकारबाट बाहिरिएको बताए । फरक परिस्थिति, फरक संविधानको धारा र फरक राजनीतिक समीकरणबाट बनेको सरकारमा केन्द्रीय गठबन्धन लाग्नु उपयुक्त नरहेको उनले बताए ।‘जसरी सरकार बन्यो, मुख्यमन्त्री केदार कार्कीको नेतृत्वमा, त्यो फरक परिप्रेक्ष्यमा बन्यो, फरक संविधानको धारा प्रयोग भएर बन्यो, फरक खाल्को राजनीतिक समीकरणबाट बन्यो ।’ उनले भने, ‘त्यसलाई विल्कुल बेवास्ता गरेर फेरी केन्द्रीय गठबन्धननै यहाँ पनि लागू गर्ने कुरा उपयुक्त थिएन ।’

    मुख्यमन्त्री कार्कीले हिजोमात्रै नेकपा (माओवादी केन्द्र) र नेकपा (एकीकृत समाजवादी) लाई समेटेर मन्त्रिपरिषद् विस्तार गरेका थिए । मुख्यमन्त्री कार्कीले हिजो मन्त्रिपरिषद् विस्तार गरेपछि त्यसमा असन्तुष्टि जनाउँदै एमाले आज सरकारबाट बाहिरिएको हो । एमालेबाट मन्त्री बनेका राम रानाले मुख्यमन्त्री कार्कीसमक्ष राजीनामा बुझाइसकेका छन् ।

    प्रतिकृया दिनुहोस्

    Loading...

    जलेश्वरमा शिवरात्रीका लागि उपसमिति गठन

     दिपसागर पौडेल,पर्वत ।  यहि २५ गते जलेश्वर शिव मन्दिरमा शिव रात्रिको दिन बिधीवत रूपमा पुजा...

    नेपाली राष्ट्रिय फुटबल टिमकी फरवार्ड सावित्रा भण्डारीले फ्रेन्च महिला लिगमा गरिन डेब्यु गोल

    पर्वत। नेपाली राष्ट्रि फुटबल टिमकी फरवार्ड सावित्रा भण्डारी साम्बाले फ्रेन्च महिला लिगमा डेब्यु गोल गरेकी...

    आन्तरिक र बाह्य शक्ति आफूलाई पदबाट हटाउन लागिपरेको गृहमन्त्री श्रेष्ठको स्पष्टोक्ति

    काठमाडौं । उपप्रधान एवं गृहमन्त्री नारायणकाजी श्रेष्ठले आफूलाई पदबाट हटाउन आन्तरिक तथा बाह्य शक्ति लागिपरेको...

    पोखरा आर्ट ग्यालरीमा प्रादेशिक ललितकला प्रदर्शनी सुरु

    राजाराम पौडेल, पोखरा । पोखराको महेन्द्रपुलबाट नयाँबजार पोखरामा स्थान्तरण गरिएको पोखरा आर्ट ग्यालरीमा प्रादेशिक ललितकला...

    समाज सेवा युवा क्लबको सर सफाई कार्यक्रम सम्पन्न

    पोखरा । समाजसेवा युवा क्लबको वृहत सर सफाइ कार्यक्रम सम्पन्न भएको छ । आउदै गरेको...

    Loading…

    फेसबुकमा हामीलाई लाईक गरौं