SuchanaKendra

  • Radio Kushum


  • सुचनाकेन्द्र संवाददाता प्रकाशित : २०८१/१२/२ गते
    ३० &#२३४६;&#२३३५;&#२३२५;

    बागलुङ । स्वतन्त्र विद्यार्थी युनियन (स्ववियु) विद्यार्थीहरूका लागि गठन भएको साझा संस्था हो। यस संस्थाले विद्यार्थीका शैक्षिक हक, अधिकार र हितका लागि आवाज उठाउने मात्र होइन, असल नेतृत्व उत्पादन गर्ने थलोको रूपमा पनि भूमिका निर्वाह गर्दै आएको छ।

    तर, कुनै समय परिवर्तनका मुद्दामा प्रभावशाली भूमिका निर्वाह गरेको स्ववियुको साख पछिल्ला वर्षहरूमा खस्कँदै गएको देखिन्छ। विशेष गरी स्ववियु निर्वाचनमा राजनीतिक दलका नेताहरूको बढ्दो हस्तक्षेपलाई लिएर व्यापक आलोचना भइरहेको छ।

    बागलुङस्थित धवलागिरी बहुमुखी क्याम्पसमा स्ववियु निर्वाचन नजिकिँदै गर्दा विद्यार्थी संगठनहरू प्रचारप्रसारमा सक्रिय भएका छन्। तर, यो प्रक्रियामा स्थानीय, प्रदेश तथा केन्द्रका नेताहरूको समेत चहलपहल बढेको छ।

    त्यसैक्रममा गण्डकी प्रदेशका मुख्यमन्त्री सुरेन्द्रराज पाण्डे शनिबार धवलागिरी क्याम्पसमा पुगेर नेविसंघका उम्मेदवारसँग भेटे । उनले स्ववियु निर्वाचन जित्ने गरी रणनीति बुन्न नेता तथा विद्यार्थीलाई निर्देशन दिएका छन् ।

    धवलागिरी क्याम्पसमा गण्डकी प्रदेश सरकारका स्वास्थ्यमन्त्री कृष्णप्रसाद पाठक पनि पुगे । उनले पनि अनेरास्ववियुका उम्मेदवारलाई भेटेर शुभकामना दिए । पाठकले पनि अनेरास्ववियुलाई निर्वाचन जित्ने रणनीति बुन्न विद्यार्थी तथा नेताहरुलाई निर्देशन दिएका छन् ।

    अझ यस क्याम्पसका पूर्वस्ववियु सभापति नेकपा एमाले गण्डकी प्रदेशका संसदीय दलका प्रमुख सचेतक गोविन्द नेपाली पनि अनेरास्ववियुको प्रचारप्रसार समितिको सचिवालयमै बसेर रणनीति बुनेका छन् ।

    रणनीति बन्नेमा कांग्रेस प्रदेश सांसद जित सेरचन, दीपेन्द्र थापा, बागलुङ नगरपालिकाका मेयर बसन्त श्रेष्ठ लगायतका नेता पनि छन् । उनीहरू पनि स्ववियु निर्वाचनको प्रचारप्रसारमा संलग्न भइरहेका छन् ।

    आफ्नो पार्टीका भातृसंस्थाका उम्मेदवारलाई जिताउन नेताहरू प्रचारप्रसार लागेका हुन् । उनीहरूको गतिविधिलाई लिएर अहिले सामाजिक सञ्जालदेखि सबैतिर आलोचना भएको छ । विद्यार्थीकाे निर्वाचनमा नेताहरूकाे हस्तक्षेप बढेपछि आलाेचना भएकाे हाे ।

    याे क्याम्पसमा त्रिभुवन विश्वविद्यालयको कार्यसूची अनुसार आगामी चैत ५ गते स्ववियु निर्वाचन हुँदै छ । त्यसअघि उम्मेदवार दर्ता भइसकेकाे छ। निर्वाचन नजिकिँदा नेताहरूकाे चहलपहल बढेकाे हाे । याे बागलुङको एक मात्र आंगिक क्याम्पस हाे ।

    प्रतिकृया दिनुहोस्

    Loading...

    ‘कर्मा’: मुकुन भुसालको क्यारेक्टर लुक्स सार्वजनिक

    काठमाडौं । चलचित्र ‘कर्मा’का कलाकार मुकुन भुसालको क्यारेक्टर लुक्स सार्वजनिक भएको छ । निर्माणपक्षले होलीको...

    नेविसंघमा कार्कीको उम्मेदवारी खारेज, जोशी समूह आधिकारिक:त्रिवि विश्वविद्यालय

    काठमाडौं । त्रिवि, विश्वविद्यालय क्याम्पसमा नेविसंघको आधिकारिक उम्मेदवारको मान्यता दीपकराज जोशी समूहले पाएको छ ।नेविसंघकोतर्फबाट...

    वक्तृत्वकला प्रतियोगितामा गोगन मा.वि.की सुजाता प्रथम

    पोखरा । विश्व हिन्दु महासंघ जिल्ला कार्य समिति कास्कीको आयोजनामा सञ्चालित ।।।सनातन हिन्दु धर्म संस्कार...

    पोखरा २१ का वडाध्यक्ष सुवेदीमाथि रड प्रहार, गिरी विरुद्ध प्रहरीमा उजुरी

    पोखरा । पोखरा महानगरपालिका वडा नं. २१ का अध्यक्षमाथि रड प्रहार भएको छ । वडाध्यक्ष...

    नेकोस कपको उपाधि गन्नी फुटबल क्लबलाई, डोरीतानमा सूर्य तारा प्रथम

    पोखरा ।दोस्रो संस्करणको सूर्य तारा खेल महोत्सव २०८१ अन्तरगत नेकोस कप फुटबल प्रतियोगिताको उपाधि गन्नी...

    Loading…

    फेसबुकमा हामीलाई लाईक गरौं