शिशिर,पोखरा । पोखराको पर्यटकिय गाँउ घार्मीमा वृक्षरोपण तथा सरसफाई गरिएको छ । लायन्स क्लव अफ पोखरा फेवा फुलवारीले घार्मीको ओमकारेश्वर महादेव मन्दिर परिसरमा वृक्षरोपण गर्नुको साथै लायन्स पार्कमा गोडमेल तथा सरसफाई गरेको हो । त्यहाँ लालीगुँराश, धुपी, तेजपत्ता, पारिजात लगायतका विभिन्न प्रजातिका विरुवा रोपिएको कार्यक्रम संयोजक गोविन्दराज अधिकारीले जानकारी दिए ।
यस अघि क्लवका अध्यक्ष गणेशवहादुर कार्कीलाई कार्यक्रममका प्रमुख अतिथी लायन्स अन्र्तराष्ट्रिय डिस्ट्रीक ३२५ जेका डिस्ट्रीक टे«जर लायन कल्पना थापाले विरुवा हस्तान्तरण गरी कार्यक्रमको उद्घाटन गरिन् ।कार्यक्रममा वोल्दै लायन थापाले वातावरण संरक्षणको क्षेत्रमा लायन्स क्लव अग्रणी संस्था रहेको वताउँदै, पर्यटकीय क्षेत्रलाई थप आर्कषक वनाउन आफुले पनि भुमिका खेल्ने वताईन । उनले क्लवले ल्याएका योजनालाई डिस्ट्रीकमा छलफल गराउने स्पष्ट पार्दै, यस क्षेत्रको विकास हुने गरी थप योजना वनाउन सुझाव दिईन् ।
ओमकारेश्वर महादेव मन्दिर व्यवस्थापन समितिका अध्यक्ष ढुण्डिराज पौडेलले मन्दिर परिसरमा रहेको लायन्स पार्कलाई थप आर्कषक र व्यवस्थित गर्न आग्रह गरे ।
क्लवका अध्यक्ष गणेशवहादुर कार्कीको अध्यक्षतामा भएको कार्यक्रममा जोन चेयर पर्सन दामोदर वराल, क्लवका पुर्व अध्यक्ष लायन कुन्दनराज शर्मा, लायन माधव कँडेल, लायन गुरु पौडेल,लायन संजय वस्नेत, कार्यक्रम संयोजक लायन गोविन्दराज अधिकारी, सचिव लायन दिपक केसी, मन्दिरका सचिव तेजेन्द्र पौडेल, समाजसेवी लिला पौडेल, पिताम्वर पौडेल, मन्दिरका मुल पुजारी रामचन्द्र पौडेल लगायतले पछिल्लो समय वातावरणमा परेको प्रभाव न्युनिकरणका लागि पनि वृक्षरोपण महत्वपुर्ण हुने वताए । त्यस अवसरमा सहभागीले पुराना विरुवा गोडमेल सहित सरसफाई गरेका थिए ।
सो क्लवले सन् २०१६ मा त्यस स्थानमा वृक्षरोपण गरी पर्यटकलाई आर्कषित गर्ने खालको लायन्स पार्क वनाउने घोषणा गरेको थियो । तर घोषणको करिव एक दशक हुँदा पनि आर्कषक पार्क भने वन्न सकेको छैन ।
