नेकपा (एकीकृत समाजवादी) को स्थायी कमिटी बैठकमा विभिन्न दल र शक्तिहरूसँग भएको वार्ताबारेको रिपोर्ट प्रस्तुत भएको छ । शुक्रबार बसेको एकीकृत समाजवादीको सो बैठकमा महासचिव डा वेदुराम भुषालले रिपोर्ट प्रस्तुत गरेको र रिपोर्ट बारेको प्रस्ताव केन्द्रीय कमिटीको बैठकमा लैजाने निर्णय भएको छ ।
यस्तै बैठकले कुनैपनि पार्टीको शक्ति, क्षमता र जनाधार, राजनीतिक दृष्टिकोण र महत्वका आधारमा सबैसँग वार्ता गर्ने निर्णय भएको प्रचार विभाग प्रमुख जगन्नाथ खतिवडाले जानकारी दिए ।
बैठकमा बोल्दै पार्टी अध्यक्ष माधव कुमार नेपालले नेपाली राजनीतिमा नेकपा (एकीकृत समाजवादी)को महत्व दिनानुदिन बढीरहेको भन्दै पार्टी प्रवेशको लागि आकर्षण बढीरहेको धारणा राखेका थिए ।
उनले छाडेर आफ्नोमा संगठित हुन विभिन्न जिल्लाका नेताहरुसँग छलफल भइरहेको पनि बैठकलाई जानकारी गराएका थिए ।
उनले एमाले अध्यक्ष केपी ओलीले षडयन्त्रमूलक तरिकाले झुट र भ्रम फैलाइरहेका भन्दै त्यसविरुद्ध लाग्न नेता कार्यकर्तालाई निर्देशन दिएका थिए ।
