SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/७/२ गते
    ४२२ &#२३४६;&#२३३५;&#२३२५;

    पर्वत : अन्तराष्ट्रिय पर्वत समाजको तेस्रो महाधिबेसन सुरु हुनुभन्दा दुई दिन अगाडि पर्वत सदरमुकाम कुश्मा बजारमा पत्रकार सम्मेलन गरी त्यस सम्बन्धमा जानकारी गराइएको छ।

    समाजको आयोजना तथा नेपाल पत्रकार महासंघ जिल्ला शाखा पर्वतको समन्वयमा आयोजना गरिएको पत्रकार सम्मेलनमा यही कात्तिक ४ र ५ गते जिल्लाको मोदी गाउँपालिका–८ चित्रेम ागर्न लागिएको महाधिबेसनको तयारी र समाजले राखेका लक्ष्यका बारेमा जानकारी दिइएको हो।

    कार्यक्रममा बोल्दै समाजका अध्यक्ष पुरन गिरीले कोभिड संक्रमणको जोखिमका कारण दुई वर्षदेखि बन्द रहेको सामुदायिक होमस्टेको प्रबद्र्धनको लागि महाधिबेसन चित्रेम ागर्न लागिएको जानकारी दिँदै समाजले पर्वतको समृद्धिको लागि काम गर्ने प्रयास थाल्ने बताए। चार वर्ष अघि संस्था स्थापना भएको भए पनि अहिलेसम्म पर्वत घर भई विभिन्न देशमा रहेका नेपालीहरुलाई समन्वय गर्ने संगठन विस्तारको काम गरिएको उनको भनाई छ। अबको महाधिबेसनबाट बन्ने नयाँ समितिले पर्वतको समुन्नतिको लागि यहाँका सम्भावनामा सहकार्य गर्न गर्न आफूहरु लालयित भएको पनि गिरीले बताए।

    समाजका महासचिव गुणराज शर्माले आफूहरु संस्थागत रुपमा बामे सर्दै गरेको अवस्थामा रहेकाले अहिलेसम्मको अवस्थामा धेरै काम गर्न नसकेको भए पनि अब भने लगानी देखि सहकार्यमा काम गर्न सक्ने क्षमतामा आफूहरु रहेको बताए। समाजमा विभिन्न ११ देशको संस्थाहरु आवद्ध रहेको बताउँदै उनले केही देशमा समिति विस्तारको क्रम चलिरहेको उल्लेख गरे। प्रत्येक दुई वर्षमा हुने अधिबेसनबाट यस अघिका दुई कार्यकालमा पुरन गिरीको नेतृत्व रहेको र अब भने संगठन बिस्तारको काम सकिनै लागेका कारण नयाँ नेतृत्व संस्थामा आउने शर्माले जानकारी गराए।

    समाजमा रहेको विशेषतः लगानीको क्षेत्रमा बढी जानकार रहेका संस्थाका संरक्षक सुवास जोशीले चार वर्ष पहिले प्रवासमा रहेका पर्वतेहरु एकजुट भएर समाजको स्थापना गरिएको बताउँदै विदेशको सिप र पुँजीलाई मातृ जिल्लामा प्रयोग गर्न सक्नु आफूहरुको उद्धेश्य रहेको स्पष्ट पारे। विभिन्न समस्यामा रहेका जिल्लाबासीहरुलाई सहयोग गर्दै आइरहेको सम्झना गर्दै उनले आफूहरु जिल्लासंग भावनात्मक रुपमा समेत नजिक रहेको बताए। सपनामा पनि गृह जिल्लाकै प्रगति र समुन्नितको कुरा देखिने गरेको बताउँदै जोशीले लगानीको बारेमा आवश्यक चासो र अध्ययन पर्वत समाजको तर्फबाट भइरहेको उल्लेख गरे।

    महाधिबेसनको तयारीको बारेमा जानकारी दिँदै समाजकी नेपाल प्रतिनिधि मुना भुसालले महाधिबेसनको लागि विभिन्न उपसमितिहरु निर्माण गरेर आवश्यक तयारी करिब पूरा भएको जानकारी दिईन्। कार्यक्रम स्थलसम्म पुग्नको लागि यातायात, खाना र बस्नको व्यवस्थापन लगायतका कामहरु पनि पूरा भएको बताउँदै उनले चित्रेमा गरिएको महाधिबेसनले पर्यटनको क्षेत्रमा नयाँ उत्साह थप्ने अपेक्षा रहेको उल्लेख गरिन्।

    कार्यक्रममा अन्तराष्ट्रिय पर्वत समाजका उपाध्यक्ष झलक के.सी, नेपाल पत्रकार महासंघ पर्वतका अध्यक्ष सन्तोष थापा, सचिव राजबाबु पि।सी, पूर्व अध्यक्ष ओमप्रसाद घायल, पत्रकार अगन्धर तिवारी, बैकुण्ठ गिरी लगायतले जिल्लामा गर्न सक्ने लगानी, भावी, कार्यदिशा लगायतका बारेमा जिज्ञासा र सुझाव समेत राखेका थिए। समाजका अध्यक्ष गिरीको अध्यक्षतामा भएको कार्यक्रममा स्वागत उपाध्यक्ष परशुराम पौडेल र सञ्चालन महासचिव शर्माले गरेका थिए।

    प्रतिकृया दिनुहोस्

    Loading...

    बाबुरामले मन्त्री हेरफेर नगर्न गरेको आग्रह देउवाले गरे अस्वीकार….

    काठमाडौं । जनता समाजवादी पार्टीका संघीय परिषद अध्यक्ष डा. बाबुराम भट्टराईले मन्त्री हेरफेर रोक्न गरेको...

    अर्थमन्त्रीले राजीनामा नदिए प्रधानमन्त्रीले हटाउनुपर्छ : गगन थापा

    काठमाडौं । नेपाली कांग्रेसका महामन्त्री तथा सांसद गगनकुमार थापाले अर्थमन्त्री जनार्दन शर्माले पदबाट राजीनामा दिनुपर्ने...

    कृष्णनगरमा झोला तथा जुत्ता चप्पल बनाउने १५ दिने तालिम सहित प्रविधि हस्तान्तरण

    रबि प्रकाश कसाैधन कृष्णनगर । कपिलवस्तु जिल्लाको कृष्णनगर नगरपालिका वडा नं ६ वडा कार्यालयको भवनमा...

    स्वास्थ्य जीवन तथा योग सम्बन्धमा कृष्णनगरका शिक्षक लाई तीन दिने तालिम

    रबि प्रकाश कसाैधन कृष्णनगर, । स्वास्थ्य जीवनतथा योग सम्बन्धमा कृष्णनगरका मा. वि. का शिक्षक लाई...

    पर्बत रुपन्देही सेवा समाज केन्द्रीय कार्यसमितिको सपथ ग्रहण तथा पदस्थापना कार्यक्रम सप्पन्न

    पर्बत । पर्बत रुपन्देही सेवा समाज केन्द्रीय कार्यसमितिको सपथ ग्रहण तथा पदस्थापना कार्यक्रम बुटवलमा सम्पन्न...

    Loading…

    फेसबुकमा हामीलाई लाईक गरौं