SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/६/२६ गते
    ५८६ &#२३४६;&#२३३५;&#२३२५;

    काठमाडौं,  । चीन नेपालका कम्युनिस्ट पार्टीहरुलाई मिलाउन फेरि सक्रिय भएको छ । उसले अबको आम निर्वाचन अघि नै कम्युनिस्ट पार्टीहरुलाई मिलाउने सक्रियता देखाएको हो ।

    चिनियाँ राजदूत होउ यान्छी स्वयं कम्युनिस्ट पार्टीहरुलाई भरसक एक बनाउने नभए चुनावमा गठबन्धन बनाउने अवस्था तयार गर्न लागेकी हुन् । उनले नेपाल डाइलग फोरमको भर्चुअल कार्यक्रममा कम्युनिस्ट पार्टीहरुलाई मिलेर अगाडि बढ्न भनिन् । आइतबार भएको कार्यक्रममा उनले नेकपा एमाले र नेकपा माओवादी केन्द्रको नाम नै लिएर चीनले उनीहरु मिलेर बढुन् भन्ने चाहेको खुलाइन् ।

    यान्छीले एमाले अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डलाई मिल्न सुझाव समेत दिइन् । उनले दुवै नेताहरुको नाम लिइन् ।

    नेपाल कम्युनिस्ट पार्टी विभाजित भई एमाले र माओवादी केन्द्र ब्युँतिएको थियो । नेकपा हुँदा ओली र प्रचण्डको विवाद मिलाउन यान्छी सक्रिय भएकी थिइन् । उनले निवासमै पुगेर नेताहरुलाई पटक पटक भेटेपनि कुरा मिलाउन सकिनन् । फलस्वरुव नेकपा विभाजित भयो । त्यसपछि नेकपा एमाले पनि विभाजित भएको छ ।

    एमाले र माओवादी केन्द्र मिलेर नेकपा बनेपछि चीनको सक्रियता नेपालमा झन् बढेको थियो । नेकपा र चिनियाँ कम्युनिस्ट पार्टीबीच संयुक्त प्रशिक्षण समेत भयो । कुनै अर्को देशको दलसँग नेपालको कुनै दलले संयुक्त प्रशिक्षण राखेको यो पहिलो घटना थियो ।

    कम्युनिस्ट विचारबाट चलेको चीनले नेपालका कम्युनिस्ट पार्टीहरुलाई बढी भरोसा गर्दै आएको छ । उसले आगामी चुनावमा फुटेका कम्युनिस्टहरुको नतिजा कमजोर हुने आँकलनका आधारमा भरसक एक बनाउने नसके गठबन्धन भएपनि बनाउने पहल गर्दै आएको छ । त्यसका लागि चिनियाँ टोली विभिन्न माध्यमले सक्रिय छन् ।

    विगतमा एमाले र माओवादी केन्द्र मिलेर आमनिर्वाचन लड्दा बहुमत हासिल गरेका थिए । दुवैको गठबन्धनले परिणाम ल्याएकोले चीन फेरि त्यही अवस्था दोहोराउन लागेको छ ।

    चीन कम्युनिस्ट मिलाउन सक्रिय भएपनि त्यो सजिलो छैन । एमाले अध्यक्ष ओली र माओवादी अध्यक्ष प्रचण्डबीच पानी बाराबारको स्थिति छ । दुवै नेता एकै मञ्चमा समेत देखिएका छैनन् । उनीहरु एक अर्कालाई चुनावमा सून्यको स्थितिमा पुर्याउने गरी लागेका छन् ।

    प्रतिकृया दिनुहोस्

    Loading...

    कृष्णनगरमा जेष्ठ नागरिक सरोकार वालाहरू एक दिने छलफल कार्यक्रम सम्पन्न

    कृष्णनगर, । जेष्ठ नागरिक सरोकार वालाहरू एक दिने छलफल कार्यक्रम कपिलवस्तु जिल्लाको कृष्णनगर नगरपालिका वडा...

    पेट्रोलिएम पदार्थको मुल्यवृद्धि तथा सवारिकर वृद्धि फिर्तालिन अनेरास्ववियु पर्बतको माग :कडा आन्दोलनमा उत्रने चेतावनी(पत्रसहित)

    पर्वत .नेकपा एमाले को भातृ संगठन अखिल नेपाल राष्ट्रिय स्वतन्त्र विद्यार्थी युनियन ले पेट्रोलिएम पदार्थको...

    पर्वतका तिलक अधिकारी युवा लिग नेपालको केन्द्रिय सचिवमा निर्बाचित अध्यक्षमा केशव ढल्कोटी

    काठमाडौं । नेकपा (क्रान्तिकारी माओवादी)को युवा संगठन क्रान्तिकारी युवा लिग (आरवाईएल)को शुक्रबार काठमाडौंमा शुरु भएको...

    जिल्ला भलिबल संघ पर्वतको अधिवेशन सम्पन्न, अध्यक्षमा लक्ष्मणकुमार श्रेष्ठ,उपाध्यक्षमा जगदिश सुवेदी निर्वाचित

    पर्वत । जिल्ला भलिबल संघ पर्वतको साधारण सभा तथा अधिवेशन सम्पन्न कुश्मा बजारमा सम्पन्न भएकाे...

    प्रभु बैंकसँग The Cliff काे सहकार्य, प्रभु बैंकको मोबाइल एप प्रयाेग गर्दा १० प्रतिशत छुट

    पर्वत । प्रभु बैंक लिमिटेड र बन्जी जम्प The Cliff काे सहकार्य भएकेा छ ।...

    Loading…

    फेसबुकमा हामीलाई लाईक गरौं