SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/४/२० गते
    ५५७ &#२३४६;&#२३३५;&#२३२५;

    काठमाडौं,  । नेपाली कांग्रेसका सभापति शेरबहादुर देउवाले पार्टीको १४औं महाधिवेशन मंसिरमा गर्नेगरी आन्तरिक छलफल थालेका छन्। पार्टीको क्रियाशील सदस्यता विवाद, कोरोना भाइरस संक्रमणसहितका विषय विद्यमान रहेको भन्दै देउवाले मंसिरमा महाधिवेशन गर्न सकिने निकटहरूसँग बताएका हुन्।

    मंसिरसम्म महाधिवेशन गर्दा संवैधानिक व्यवस्था विपरीत नहुने र निर्वाचन आयोगले त्यसलाई मान्ने बताउँदै देउवाले निकटहरूसँग पार्टीको क्रियाशील सदस्यताको विषयका नेता रामचन्द्र पौडेल पक्षले अनावश्यक विवाद निकाल्न थालेको आरोप लगाएका छन्। क्रियाशील सदस्यता छानबिन समितिले टुंगो लगाएको विषयमा पनि अहिले प्रशन गर्न थालिएको र पार्टी उपभापति विमलेन्द्र निधिको संयोजकत्वमा गठन भएको समायोजन समितिले सर्वसहमतिले गरेको निर्णयमा पनि प्रश्न उठाएको भन्दै देउवाले असन्तुष्टि जनाएका छन्।

    निकटहरूसँग निरन्तर छलफलमा रहेका देउवाले मंगलबार साँझ उपसभापति निधिलाई सरकारी निवास बालुवाटार बोलाएर कुरा गरेको स्रोतको दाबी छ। १४औं महाधिवेशनमा निधि सभापतिको प्रत्यासी बन्ने बताएपछि देउवा र निधि भेट पातलिएको छ। देउवालाई भेट्न प्रधानमन्त्रीको सरकारी निवास पुगेका निधिले समायोजन समितिले सर्वसम्मतिबाट गरेको निर्णय केन्द्रीय समितिमा पेश गरी पारित गरिसको विषयमा पौडेल पक्षले विवाद निकालेको बताएका छन्।

    पौडेल पक्षको आग्रह्मा निर्णय भइसकेको फाइल पुनः खोल्नु विधिसम्मत नभएको भन्दै निधिले बागलुङसहितका जिल्लाका विषयमा उत्पन्न गरिएको विवादप्रति असन्तुष्टि व्यक्त गरेका छन्। सो विषयमा सदस्यता छानबिन समिति प्रवेश गरेको भन्दै उनले असन्तुष्टि जनाएका हुन्। समायोजनका बाँकी काम सक्न बैठक राख्न पनि पौडेलले असहयोग गरेको भन्दै निधिले निर्णय खोल्दै र फेर्दै जाने हो भने समायोजन समितिको औचित्यमाथि नै प्रश्न उठ्न बताएका थिए।

    जवाफमा देउवाले सदस्यता र समायोजनका विषयमा पौडेल पक्षले अनावश्यक विवाद निकालेको बताएका थिए। बुधबार दिउँसो पदाधिकारी बैठक राखेको र त्यसबाट सबै विषय टुंगोमा पुर्‍याउने बताएको बालुवाटार स्रोतको दाबी छ। देउवाले बुधबार दिउँसो ३ बजे बैठक बोलाएका छन्।

    निधिले १४औं महाधिवेशनमा सभापतिको उम्मेदवार बन्ने यसअघि नै बताएको भन्दै फेरि देउवासँग सहयोग मागेका थिए। तर, देउवाले पुरानै जवाफ फर्काउँदै अहिले आफूलाई सहयोग गर्न र १५औं मा निधिलाई सहयोग गर्ने बताएका छन्।

    भेटमा निधिले मन्त्रिपरिषद्लाई समावेशी र सबै क्षेत्र र भूगोलको प्रतिनिधित्व गराउन आग्रह गरेका छन् । प्रस्तावित सहकारी बैंक स्थापना, राजर्षी जनक विश्वविद्यालयका जग्गा प्राप्ति र महेन्द्र नारायण निधि मिथिला सांस्कृतिक केन्द्रको संगठानात्मक संरचना बनाउन पनि देउवालाई आग्रह गरेको स्रोतको दाबी छ। नागरिक दैनिकले खबर छापेको छ ।

    प्रतिकृया दिनुहोस्

    Loading...

    बाबुरामले मन्त्री हेरफेर नगर्न गरेको आग्रह देउवाले गरे अस्वीकार….

    काठमाडौं । जनता समाजवादी पार्टीका संघीय परिषद अध्यक्ष डा. बाबुराम भट्टराईले मन्त्री हेरफेर रोक्न गरेको...

    अर्थमन्त्रीले राजीनामा नदिए प्रधानमन्त्रीले हटाउनुपर्छ : गगन थापा

    काठमाडौं । नेपाली कांग्रेसका महामन्त्री तथा सांसद गगनकुमार थापाले अर्थमन्त्री जनार्दन शर्माले पदबाट राजीनामा दिनुपर्ने...

    कृष्णनगरमा झोला तथा जुत्ता चप्पल बनाउने १५ दिने तालिम सहित प्रविधि हस्तान्तरण

    रबि प्रकाश कसाैधन कृष्णनगर । कपिलवस्तु जिल्लाको कृष्णनगर नगरपालिका वडा नं ६ वडा कार्यालयको भवनमा...

    स्वास्थ्य जीवन तथा योग सम्बन्धमा कृष्णनगरका शिक्षक लाई तीन दिने तालिम

    रबि प्रकाश कसाैधन कृष्णनगर, । स्वास्थ्य जीवनतथा योग सम्बन्धमा कृष्णनगरका मा. वि. का शिक्षक लाई...

    पर्बत रुपन्देही सेवा समाज केन्द्रीय कार्यसमितिको सपथ ग्रहण तथा पदस्थापना कार्यक्रम सप्पन्न

    पर्बत । पर्बत रुपन्देही सेवा समाज केन्द्रीय कार्यसमितिको सपथ ग्रहण तथा पदस्थापना कार्यक्रम बुटवलमा सम्पन्न...

    Loading…

    फेसबुकमा हामीलाई लाईक गरौं