SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/४/१५ गते
    ७४५ &#२३४६;&#२३३५;&#२३२५;

    काठमाडौं,  । नेपाल पक्षबाट कार्यदलमा रहेका नेताहरूले बिहीबार दिउँसो सिंहदरबारमा छलफल गरेका छन्। भीम रावल, सुरेन्द्र पाण्डे, भीम आचार्य, गोकर्ण बिष्टलगायतले नेपाल पक्षको स्थायी कमिटी बैठक राखेर विवाद निरूपणका लागि केके विषय आवश्यक छन् भन्नेबारे छलफल गर्ने र बैठकबाटै अजेन्डा पास गर्नेगरी अघि बढ्नुपर्ने निष्कर्ष निकालेका छन्।

    पार्टीको विवाद लम्बिदै जाँदा झन् समस्या परेको र पार्टीको आन्तरिक मामिलामा बाह्य हस्तक्षेपसमेत हुन थालेको निष्कर्षमा पुगेका उनीहरूले तत्कालै बैठक राखेर त्यहींबाट विषयवस्तु निर्धारण गनुपर्ने ठहर गरेका हुन्। बैठकमा दोस्रो र तेस्रो तहका अन्य नेता पनि सहभागी थिए। उनीहरू नेपाल र दाहालको भेटघाटबाट पनि धेरै कुरा शंकाको घेरामा भएको निचोडमा पुगेका छन्।

    ‘प्रचण्ड (दाहाल) ले नेपाललाई सरकारमा सहभागी गराउन दबाब दिइरहेका छन्। यो भनेको एमाले विभाजन गर्ने उद्देश्य हो। संस्थागत निर्णय नभए पनि व्यक्तिगत रूपमा एमालेका कोही व्यक्तिको नामा दिनुस् भनेको सूचना छ। यसले राम्रो सन्देश जाँदैन र पार्टी विभाजनकै दिशमा लैजान्छ’, बिहीबारको बैठकमा सहभागी एक नेताले भने। उनीहरू ओली–नेपालवीच संवाद गराएरै अघि बढ्नुपर्नेमा एकमत भएका छन्।

    यसैबीच एमाले संसदीय दलका उपनेता सुवास नेम्वाङले बिहीबार नेपाललाई भेटेर विवाद टुंग्याउन आग्रह गरेका छन्। यसका लागि ओलीसँग वार्ता गर्न समेत उनले आग्रह गरे। कार्यदलमा अध्यक्ष ओलीको तर्फबाट नेम्वाङ संयोजक थिए। ‘एकताका सन्दर्भमा कुराकानी भयो। तपाईं र अध्यक्ष भेटघाट गर्नुहोस्। कुराकानी गर्नुहोस्। एकतालाई निष्कर्षमा पुर्‍याउनुपर्छ भनेको छु,’ नेम्वाङले भने। कार्यदलले तयार पारेको १० बुँदे सहमतिको जगमा उभिएर अगाडि बढ्न आग्रह गरेको उनले बताए।

    जवाफमा नेता नेपालले छलफल गरेर अगाडि बढ्ने बताएका थिए। ‘उहाँले ठीकै छ, छलफल गरौंला नि भन्नुभयो। अरूसँग पनि भेटघाट गर्छु भन्नुभएको छ,’ नेम्वाङले भने। पार्टी अध्यक्ष ओलीले बुधबार ईश्वर पोखरेल र प्रदीप ज्ञवालीसँग एकता प्रकृया चाँडो टुंग्याउनुपर्ने बताएपछि नेम्वाङले ओली–नेपालबीच संवाद गराउन पहल थालेका हुन्। टपेन्द्र कार्कीले नागरिक दैनिकमा समाचार लेखेका छन् ।

    प्रतिकृया दिनुहोस्

    Loading...

    भोलि बेलुकासम्म पहिचान भएका शव आफन्तलाई दिन सकिन्छ : स्वास्थ्यमन्त्री पौडेल

    काठमाडौं । स्वास्थ्य तथा जनसंख्यामन्त्री प्रदीप पौडेलले सौर्य एयरलाइन्सको विमान दुर्घटनामा मृत्यु भएकाहरूको शव पहिचान...

    अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण

    पोखरा। अपाङ्गमैत्री कानून निर्माणको मस्यौदा गण्डकी प्रदेश सरकारलाई हस्तान्तरण गरिएको छ । राष्ट्रिय अपाङ्गता महासंघ...

    फेरियो शाखा अधिकृत, नासु र खरिदारको पाठ्यक्रम, प्रथमपत्रको अंक नजोडिने

    काठमाडौं । लोकसेवा आयोगले लिने लिखित परीक्षाको प्रारम्भिक चरणको प्रथम पत्र र पाठ्य योजनासम्बन्धी व्यवस्थामा...

    श्रीमदवीतक चर्चा एवं श्रीकृष्ण कथा प्रवचनको पूर्व सन्ध्यामा कलशयात्रा

    पोखरा । एक महिने श्रीमदवीतक चर्चा एवं श्रीकृष्ण कथा प्रवचनको पूर्व सन्ध्यामा पोखरामा कलश यात्रा...

    पत्थरी, टयुमरदेखि क्यान्सरसम्म पत्ता लगाउन सक्ने अल्ट्रासाउन्ड कसरी गरिन्छ ?

    अल्ट्रासाउन्ड भन्नासाथ महिलाले गर्भावस्थामा धेरै गराएको सुन्नुभएकै होला । कति महिलाले गर्भवती भएको बेलामा आफैंले...

    Loading…

    फेसबुकमा हामीलाई लाईक गरौं