पर्वत । कालीगण्डकी प्रसारण करिडोरको खुर्कोट–दाना खण्डको उद्घाटनका लागि पर्वत आउन लागेका प्रधानमन्त्री केपी ओलीका बिरुद्ध पर्वतमा कालो झण्डा देखाउने, बेलुन उडाउने र सभा भित्रै नाराजुलुस गर्नेसम्मको तयारी शुरु भएको बताइएको छ ।
नाम उल्लेख नगर्ने सर्तमा एकजना नेकपाका नेताले भने हामीले ओलीको राजनैतिक रुपमा र भौतिक रुपमा पनि बिरोध गर्ने तयारी गरेका छौं । कस्तो खालको बिरोध भन्ने हाम्रो प्रश्नमा उनले भने कालो झण्डा देखाउने, बेलुन उडाउने र सभा भित्रै नाराजुलुस गर्नेसम्म सबै हुन सक्छन् भनेका छन् ।
प्रतिनिधी सभालाई बिघटन गरेर हावादारी कुरा गर्दै जनताको चाहानालाई कुठाराघात गरेको भन्दै नेपाल कम्युनिष्ट पार्टी नेकपा पर्वत, कुश्मा नगर तथा ओलीको कार्यशैली र प्रतिनिधि सभा बिघटनमा सडकमा निस्कीएको नेपाली कांग्रेस लगायतले बिरोध गर्ने कार्यक्रम तयार गरेका हुन ।
ओली भोली २२ गते कालीगण्डकी प्रसारण लाइन करिडोर आयोजनाअन्तर्गत २२० केभी क्षमताको पर्वतको खुर्कोटदेखि म्याग्दीको दानासम्मको सवस्टेसनको उदघाटनका लागि प्रधानमन्त्री ओली पर्वत आउन लागेको प्रमुख जिल्ला अधिकारी शम्भु रेग्मीले जानकारी दिए ।
