पर्वत । सरकारले गरेको कार्यको बिरोधमा पर्वतमा नेपाल बिद्यार्थी संघले राके जुलुस निकालेको छ ।
प्रधानमन्त्री केपी शर्मा ओलिले पौस ५ गते चालेको कदम असंबैधानिक भएको भन्दै नेबिसंघ पर्वतले सो कार्यको बिरोध जनाउदै शुक्रबार राति राके जुलुस निकालेर कुश्मा बजार परिक्रमा गरेको थियो ।
उक्त कार्यक्रमको सम्बोधन गर्दै नेबिसंघ पर्वतका नेता दया सुवेदीले प्रधानमन्त्री ओलिले मुलुकको अस्मितामाथी धावा बोल्दै जुन असम्बैधानिक र अलोकतान्त्रिक कदमको बिरुद्धमा आम नेपालीले खुलेर बिरोध गर्नुपर्ने उल्लेख गर्नुभएको थियो ।
नेपाली जनतालाई सधै दुखमा मात्र राख्न चाहेको हुनाले यो सरकारले नेपाली जनताको हितमा कुनै पनि कार्य गर्न नसकेको सुवेदीले आरोप लगाउनुभएको छ ।
सो बिरोध कार्यक्रममा नेबि संघका निबर्तमन केन्द्रिय सदस्य मोहन आचार्य दलित संघ पर्वतका अध्यक्ष याम परियार शिव नेपाल विद्यार्थी संघका जिल्ला उपाध्यक्ष किशोर सुवेदी लगायतको उपस्थित रहेको थियोे ।
अध्यक्षता नेबि सङ कुस्मा नगरपालिकाका सभापति प्रदिप पोख्रेल र नेबिसंघ फलेवास नगर अध्यक्ष सन्तोष पाठकले कार्यक्रमको संचालन गर्नुभएको थियो ।
