पर्वत । हुनत राजनिती भनेकै अबसरहरुको खेल हो भन्ने भनाई छ । तर यतिबेला नेकपा बिभाजन हुदा पर्वतमा भने आन्तरीक राजनितीको निकै चर्चा भैरहेको छ । त्यसमाथी प्रधानमन्त्री समेत रहेका पार्टी अध्यक्ष केपी शर्मा ओलीले नेकपाको पुर्नगठन गरेको र त्यसमा पर्वतबाट केन्द्रिय सदस्यमा परेका नेता मनोहर बि. पौडेलको चर्चा अलि बढी छ ।
पुर्व साँसद तथा नेकपा पर्वतका अध्यक्ष पदम गिरी र प्रदेश सभाका सदस्य तथा गण्डकी प्रदेशका मन्त्री बिकास लम्साल केन्द्रीय सदस्य हुदा जति सामान्य रुपमा लिइएको छ तर मनोहर बि. पौडेल केन्द्रिय सदस्य हुँदा भने सामान्य रुपमा लिइएको छैन ।
यतिबेला जिल्लाका राजनैतिक गफ हुने चोकमा पौडेलको चर्चा कहि न कहि भैरहेको छ । माधव नेपाल समुहमा लामो समय लागेका र नेपाल समुहबाट नै जिल्ला समन्वय समिति पर्वतको प्रमुख भएका पौडेलले गुट परिवर्तन गरेको सामान्य चर्चा पहिला गरिएको भए पनि समुहलाई नै यसरी चक्मा देलान भन्ने कल्पना भने नभएको नेपाल समुहका एक नेताले सुचनाकेन्द्र डटकमलाई बताएका छन् ।
उनले भने पौडेलले माधव समुहबाट पाउनु पर्ने कुरा पाइसकेको र अब उनको बाटो त्यहि नै भएकोमा आश्र्चय नलागेको बताए पनि पार्टी भित्र र आम पर्वतका नागरीकमा भने यसले थप चासो पैदा गरेको छ ।
