काठमाडौं – खानेपानी मन्त्रालयको जिम्मेवारी पाएकी नेकपा अध्यक्ष पुष्पकमल दाहाल प्रचण्डकी बुहारी बिना मगरले मेलम्चीलाई भित्तामा पुर्याइन् ।हि प्रकरणमा उनको आलोचना अधिक भयो । यसको ठेक्का पाएका प्रचण्डका घर मालिक शारदा अधिकारीको दादागिरीका कारण मेलम्ची सुस्त गतिमा छ भने अर्कातिर मन्त्री मगरको ढर्राले नेटो काटेको छ ।
मन्त्री नियुक्त भएका दिनदेखि दुई पैसाको काम नगरेकी मगरको काम मन्त्रालय माथाहतमा रहेका कतिपय निकायमा आफन्तलाई जागिर दिने र कर्मचारी सरुवा गर्नमा नै बितेको छ । पैसा भएका विभागमा कर्मचारीलाई सरुवा गरी त्यसको लाभ लिने भन्दा मन्त्री मगरले उल्लेख्य काम केही पनि गर्न सकेकी छैनन् ।
मेलम्ची खानेपानी आयोजनाको ठेकेदार कम्पनीलाई भगाएर चिनियाँ कम्पनीलाई काम दिएकी मन्त्री मगर पार्टीको निर्देशन भन्दा पनि भाईकाजी घिमिरे भनिने मितेरी दाईको सल्लाहमा ज्यादा चल्न थालेकी छन् । चुनावी क्षेत्रलगायतमा घुमफिरमा व्यस्त रहेकी उनले मन्त्रालयमा समय समेत दिने गरेकी छैनन् ।‘काम विभागीय कर्मचारीले तयार पार्छन्, नयाँ आयोजना र बजेट केही पनि ल्याएकी छैनन् । बरु मन्त्रालयलाई भार पर्नेगरी गाडीको माग गर्ने, अनि नजिकका मान्छेलाई सुविधा दिने काम गर्छिन्’, मन्त्रालय स्रोतले भन्यो ।
त्यसो त मन्त्री मगर प्रचण्डपुत्र प्रकाश दाहाका कारण नै उक्त पदमा पुगेकी हुन् । घरभित्र पनि उनले कसैलाई त्यति वास्ता गरेकी छैनन् । मनखुशी हिसाबले चल्ने, सल्लाहमा केही नगर्ने, संसदीय समितिमा पनि जिम्मेवार हिसाबले उनले उत्तर दिने गरेकी छैनन् । ससुरा प्रचण्डको राजनीतिक शक्तिको आडमा नै उनी हरेक जिम्मेवारी र जवाफदेहीताबाट भाग्ने गरेको बताइएको छ । नेकपा स्रोतले भन्यो,‘सदनमा उठेका प्रश्नको पनि व्यवाहारिक हिसाबले उनले काममार्फत जवाफ दिएकी छैनन् ।’(जनप्रहार साप्ताहिकबाट साभार)
