पोखरा ,विश्वहिन्दु महासंघ नेपाल जिल्ला कार्यसमिति कास्कीको आयोजनामा पोखरामा नेपाली समाजमा सनातन धर्म र हिन्दु संस्कृतिको महत्व विषयक क्षेत्रगत रुपमा दोस्रो चरण को मा. बि. स्तरीय बक्तृत्वकला प्रतियोगिता सम्पन्न भएको छ । धार्मिक, सामाजिक र नैतिक समाजको उत्थान हाम्रो अभियान भन्ने नाराका साथ आयोजित कार्यक्रमको उद्घाटन गर्दै बाह्रमण समाज नेपालका केन्द्रिय अध्यक्ष प्राध्यापक डाक्टर नारायण प्रसाद अधिकारीले विद्यार्थीहरुको प्रतिभाको खुलेर प्रशंसा गर्नुभयो । अधिकारीले हिन्दु धर्म संस्कार र संस्कृति विश्वकै उत्कृष्ट भएको हुँदा यसको संरक्षणका लागि सम्पूर्ण व्यक्ति लाग्नुपर्नेमा जोड दिनुभयो । अव पनि हाम्रो पुर्वीय संस्कृतिको संरक्षणमा नलाग्ने हो भने पश्चिमा संस्कृतिको आक्रमण बढ्दै जाने र हाम्रोे सस्कृति हराउने बताउनुभयो । कार्यक्रममा श्री जनप्रिय माविका प्रध्यानाध्यापक बाबुराम पौडल, विश्व हिन्दुमहासंघ पोखरा महानगरसमितिका उपाध्यक्ष गोपाल थापा, महेश्वरी माविका शिक्षिका राधिका बराल लगायतले महासंघको मावि स्तरीय प्रतियोगिताको खुलेर प्रंशसा गर्नुभयो ।
विश्वहिन्दु महासंघ नेपाल कास्कीका अध्यक्ष पार्वता पौडेलको अध्यक्षतामा भएको कार्यक्रममा स्वागत कार्यक्रम संयोजक तथा विश्व हिन्दुमहासंघका जिल्ला सचिव गिता आचार्य, सञ्चालन विश्वहिन्दु महासंघ कास्कीका महासचिव श्याम बहादुर श्रेष्ठले गर्नुभएको थियो ।
कार्यक्रममा विभिन्न विद्यालयका १६ जना विद्यार्थीले सहभागिता जनाएको प्रतियोगिताको निर्णायकमा पृथ्वीनारायण क्याम्पसका उपप्रध्यापक सुरज पौडेल र रेडियो सफलताका प्रवन्ध निर्देशक दुर्गा अधिकारी रहनुभएको थियो ।
वक्तृत्वकला प्रतियोगितामा छोरेपाटन माविका स्वरुप पौडेल, रत्न ज्योति माविकी एलिसा पराजुली, न्यू मोडल डायनामिक एकेडेमीकी गायत्री गौतम क्रमश प्रथम द्धितिय र तृतीय भएका छन् । त्यस्तै सान्त्वनामा छोरेपाटन माविकी कृतिमा क्षेत्री, फिस्टेल एकेडेमीकी प्राप्ती लम्साल, र रत्नज्योति माविकी अमृता अधिकारी । प्रथम, द्धितिय, तृतीय र सान्त्वनाले क्रमश नगद रु. १ हजार, ७ सय, ५ सय र ३÷३ सय सम्मान पत्र प्राप्त गर्नुका साथै श्रीपञ्चमीको दिनमा हुने फाइनल प्रतियोगिताका लागि छनौट भएका छन् । प्रतिस्पर्धाबाट छानिएकाहरुको अन्तिम प्रतिस्पर्धा माघ १६ गते श्रीपञ्चमीको दिन केदारेश्वर महादेवमणी सेवा आश्रममा गरिनेछ । विगतका वर्षमा पनि यस्तै किसिमको प्रतियोगिता गर्दै आएको संस्थाले कार्यक्रममा उपस्थित सम्पूर्णलाई एक÷एकप्रति श्रीमद् भगवत् गीताको पुस्तक निशुल्क प्रदान गरेको थियो ।
