SuchanaKendra

  • Radio Kushum


    सुचनाकेन्द्र संवाददाता प्रकाशित : २०८०/१/८ गते
    ८३२ &#२३४६;&#२३३५;&#२३२५;

    काठमाडौँ । कुवेत स्थित स्वास्थ्य मन्त्रालय अन्तर्गत रहेका अस्पतालहरुमा ठूलो संख्यामा नेपाली कामदारहरुको माग आएको छ ।

    उक्त माग पूर्तिका लागि कुवेतको सिटि ग्रुप र एडभान्स टेक्नोलोजी कम्पनी मार्फत काठमाडौँस्थित ओमेगा इन्टरनेश्नल प्रालिबीच सम्झौता भएको छ । प्राप्त माग अनुसार नेपाली कामदार लैजान नेपाल सरकारले प्रमाणीकरण समेत गरिसकेको छ ।

    डिमाण्डका लट नम्वरहरु 249487, 258421, 278050 र 278376 नेपाल सरकारले स्वीकृति दिएको छ ।

    आवश्यकता अनुसार माग पूर्ति गर्ने जिम्मा पाएको काठमाडौँ स्थित म्यानपावर ओमेगा इन्टरनेशनल प्रालिका अनुसार नर्सिङ अन्तर्गत ठूलो संख्यामा बिएससी नर्सिङ, बिएन नर्सिङ र डिप्लोमा नर्सिङहरुको माग भई आएको छ । त्यस्तै एक हजार ९ सय जना ल्याव टेक्निसियन, रेडियो ग्राफर टेक्निसियन र फार्मेसी टेक्निसियनको पनि माग छ ।

    म्यानपावरका संचालक राज कुमार राईका अनुसार ६०० जना नर्सिङको माग भईआएको छ । जसको मासिक तलब खान बस्न सहित मासिक कम्तिमा २ लाख ६० हजारदेखि ३ लाख ४८ हजारसम्म रहेको छ । त्यस्तै ल्याव टेक्निसियन, रेडियो ग्राफर टेक्निसियन र फार्मेसी टेक्निसियनको लागि मासिक तलब कम्तिमा एक लाख आठहजारदेखि एक लाख ३० हजारसम्म रहेको छ ।

    संचालन राईका अनुसार सबै माग कुवेत सरकारको स्वास्थ्य मन्त्रालय मातहतमा चल्ने त्यहाँका सरकारी अस्पतालहरुको लागि हो । कुवेतका सरकारी स्वास्थ्य संस्थाहरुमा काम गर्ने गरि पहिलो पटक हालसम्मकै धेरै फार्मेसी सहायक, रेडियोग्राफी र ल्याब टेक्निसियनको माग भएको म्यानपावरले दावी गरेको छ ।

    म्यानपावरका अनुसार दैनिक आठ घण्टा काम र साताको एक दिन छुट्टि हुने उक्त रोजगारको अवसरमा प्रत्येक बर्ष ३० दिनको छुट्टी सुविधा समेत छ । उक्त रोजगारमा जान चाहने इच्छुक योग्यता पुगेका नेपालीहरुले पहिलो चरणमा कुवेतबाट आएका अधिकारीहरुले लिने परिक्षा पास गर्नुपर्ने र त्यसको आधारमा छनौट भएकाहरुको मात्र अन्तर्वार्ता लिइने म्यानपावरले जनाएको छ ।

    परिक्षा पास गरेकै आधारमा अन्तर्वार्तामा समेत छनौट भएकाहरुलाई कुवेतमा काममा जोडिएपछि लाइसेन्स दिइने उनले बताए । बिएससी र बिएन नर्सिङको परिक्षा २८ एप्रिल २०२३ मा र डिप्लोमा नर्सिङको परीक्षा १५ मेका दिन हुनेछ ।

    नेपाल संधै सामान्य ‘लेवर सेन्डिङ कन्ट्री’को रुपमा मानिने अवस्थामा नेपालले उच्च दक्षता भएको कामदार पनि पठाउँछ भन्ने सकारात्मक संदेश समेत दिन सकिने भएकाले प्रयाप्त कामदार भर्ति गराउन आफ्नो कोसिस रहेको संचालक राईले बताए ।

    उनले यो डिमाण्ड सहज पूर्ति गराउन सके भविष्यमा अझै धेरै उच्च तलबमा नेपाली नर्स र डाक्टरहरु रोजगारमा पठाउन सकिने बताए । राईका अनुसार कुवेतका लागि नेपाली नर्सहरु फिलिपिन्सपछिकै सबैभन्दा राम्रो नर्स मानिन्छन् । साभार : साझा सवाल

    प्रतिकृया दिनुहोस्

    Loading...

    नमुना आवसीय माध्यामिक विध्यालयको ३५ औ बार्षिक उत्सब तथा अभिभाबक दिवश भब्यताको साथ सम्पन्न

    पर्वत ।पर्वतको कुश्मामा रहेको नमुना आवसीय माध्यामिक विध्यालयले आफ्नो ३५ औ बार्षिक उत्सब तथा अभिभाबक...

    पोखराको मित्रमिलन सहकारी ठगी प्रकरणमा पत्रकार गिरी पुर्पक्षका लागि थुनामा

    पोखरा । पोखराको मित्रमिलन सहकारी ठगी प्रकरणमा पत्रकार अर्जुन गिरीलाई जिल्ला अदालत कास्कीले पुर्पक्षका लागि...

    एकै दिनमा २ वटा डिप बोरिङ र १८ वटा स्यालो ट्युबवेलको उद्घाटन

    चितवन । भरतपुर वडा नम्बर १७ मा एकै दिनमा २ वटा डिप बोरिङ र १८...

    एमालेले प्रकाश ज्वालालाई कारबाहीको माग गर्दै सरकारको ध्यानाकर्षण गर्ने

    काठमाडौं । नेकपा एमालेले भौतिक पूर्वाधारमन्त्री प्रकाश ज्वालालाई कारबाहीको माग गर्दै सरकारको ध्यानाकर्षण गर्ने भएको...

    सदनमा लघुवित्त र मिटरब्याजपीडितलाई न्याय दिन माग

    काठमाडौँ। प्रतिनिधिसभाको आजको बैठकमा सांसदहरूले लघुवित्त र मिटरब्याजपीडितहरु पुनःआन्दोलित भएकाले उनीहरूका माग सम्बोधन गरी न्याय...

    Loading…

    फेसबुकमा हामीलाई लाईक गरौं