![](http://suchanakendra.com/wp-content/uploads/2019/09/kulman-ghising.jpg)
काठमाडौ । नेपाल विद्युत प्राधिकरणका कार्यकारी निर्देशक कुलमान घिसिङले बिजुलीको बिलमा घरबेटीले मनोमानि गर्न नपाउने बताउँनु भएको छ । धेरै जसो घरधनील भाडामा बस्ने व्यक्तिहरु वा व्यवसायीसँग बिजुलीको बिलमा उठ्ने वास्तविक शुल्कभन्दा बढाएर शुल्क उठाउने गरेको पाईन्छ ।
घरधनीले प्रतियुनिट ७ रूपैयाँसम्म बढी लिने गरेको सर्वसाधारणको गुनासोहरु आइरहेका बेला कार्यकारी निर्देशक घिसिङले त्यसरी घरधनीले भाडामा बस्ने व्यक्तिहरु वा व्यवसायीसँग मनोमानि रुपमा शुल्क लिन नपाइने बताउनु भएको छ ।
घिसिङले ‘बिजुलीमा घरबेटीले व्यापार गर्न नपाइने , वास्तविक बिल जति उठ्छ त्यही दरमा मात्रै ग्राहकसँग शुल्क उठाउनुपर्ने बताउन आग्रह गर्नु भएको छ । प्राधिकरणमा कार्यभार सम्हालेको तीन वर्ष पुगेको अवसरमा आइतबार आयोजित पत्रकार सम्मेलनमा घिसिङले घरभाडा जति लिए पनि आफुलाइ त्यसमा कुनै आपत्ती नभएको तर बिजुलीमा बढी शुल्क लिएको पाएमा कारबाही हने बताउँनु भएको छ ।
निर्देशक घिसिङले भान्सामा ग्यासको सट्टा बिजुली प्रयोग गर्नसमेत आग्रह गर्नु भयो । ग्यासमा पकाउनुभन्दा बिजुलीमा सस्तो पर्ने उहाँको भनाइ थियो ।