पर्वत । नेकपा (माओवादी केन्द्र) कुश्मा नगर समितिको तेस्रो अधिवेशनले मिनराज केसीलाई सर्वसम्मत अध्यक्षमा चयन गरेको छ ।शनिबार कुश्मा बजारको पर्वत उद्योग वाणिज्य संघको हलमा सम्पन्न अधिवेशनले केसीको नेतृत्वमा ४६ सदस्यीय नयाँ कार्यसमिति निर्माण गरेको छ ।
https://youtu.be/GIWL8V2f_io?si=bxbiFsUhis7raVgF
समितिको उपाध्यक्षहरुमा भिम नेपाली, देवी अधिकारी र जमुना अधिकारी रहनु भएको छ । साथै सचिवमा राम अधिकारी, कोषाध्यक्षमा अविलास गिरी र सहसचिवमा बलराम पौडेल रहनु भएको छ ।
कार्यक्रममा पूर्वउर्जामन्त्री तथा नेकपा (माओवादी केन्द्र) की उपाध्यक्ष पम्फा भुसाल, नेकपा (माओवादी केन्द्र) का केन्द्रीय सदस्य तथा पर्वत ईन्चार्ज नेत्रनाथ अधिकारी, राष्ट्रिय सभाको सदस्य मन रुपा सुवेदी र नेकपा माओवादी केन्द्र पर्वतका संयोजक उमाकान्त भुर्तेलले मन्तव्य व्यक्त गर्नु भएको थियो ।
https://youtu.be/GIWL8V2f_io?si=bxbiFsUhis7raVgF
कार्यक्रममा शहिद परिवारहरुलाई सम्मान गरिएको थियो । कार्यक्रम नेकपा (माओवादी केन्द्र) कुश्मा नगर समितिका अध्यक्ष शंकर गिरीको अध्यक्षता, उपाध्यक्ष मिनराज केसीको स्वागत र सचिव भिमबहादुर नेपालीको सञ्चालनमा सम्पन्न भएको थियो ।
