शिशिर पौडेल,पोखरा । पोखराको बाटुलेचौरमा रहेको विन्ध्यवासिनी माध्यमिक विद्यालयले ७८औं स्थापना दिवस मनाएको छ। विद्यालय प्राङ्गणमा ७८ वटा दिप प्रज्वलन गरि स्थापना दिवस मनाएको हो । कार्यक्रममा दिप प्रज्वलन गर्दै पोखरा १६ का वडाध्यक्ष अमृत शर्मा तिमिल्सिनाले आफुले अध्ययन गरेको विद्यालयको स्थापना दिवस मनाउन पाउँदा खुशी लागेको बताउनुभयो।
विद्यालय व्यवस्थापन समितिका जेष्ठ सदस्य गुरूदत्त भट्टराई, प्रधानाध्यापक कृष्णप्रसाद आचार्य, सदस्य सन्दिप थापा , विद्यालयका शिक्षक, कर्मचारी र विद्यार्थीको उपस्थितमा विद्यालयले गौरवमय स्थापना दिवस मनाएको विद्यालयका लेखा प्रमुख भीम वहादुर गायकले जानकारी दिनुभयो।
कार्यक्रममा जेष्ठ सदस्य भट्टराईले शैक्षिक क्षेत्रमा विद्यालयले महत्वपूर्ण उपलब्धि हासिल गरेको बताउनुभयो। प्रधानाध्यापक आचार्यले सबै पक्षको समवन्य र मेहनतवाट विद्यालयले आजका दिनसम्म गर्विलो ईतिहासलाई कायमै राखेको बताउनुभयो। उहाँले दिवसका अवसरमा सबैलाई शुभकामना व्यक्त समेत गर्नुभयो।कार्यक्रममा सहभागीले दिप प्रज्वलन गरि शुभकामना आदानप्रदान गरेका थिए।
