SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/७/१५ गते
    ६१५ &#२३४६;&#२३३५;&#२३२५;

    काठमाडौं । वरिष्ठ अधिवक्ता सतिश कृष्ण खरेलले प्रधानन्यायाधीशको राजीनामाबारे देखाएको मौनता राजनीतिक दलहरूलाई नै महंगो गर्ने चेतावनी दिएका छन् । सर्वोच्च अदालतका न्यायाधीशहरूले प्रधानन्यायाधीश जबराको तोकेको इजलास बसेका छैनन् भने कानून व्यवसायीहरूले सर्वोच्चमा धर्ना दिएका छन् । राजनीतिक दलहरूले यसबारे मौनता साँधेका छन् ।

    सोमबार सर्वोच्च अदालत परिसरमा भएको धर्नामा सहभागी वरिष्ठ अधिवक्ता खरेलले दलहरूले यो मौनताको मूल्य चुकाउनुपर्ने बताएका छन् । उनले अघि भने, ‘राजनीतिक दलका नेताहरू अहिलेसम्म स्पष्ट बोल्न सकेको छैनन् । यसको मूल्य उहाँहरूले चुकाउनुपर्छ ।’ कतिपय नेताले अदालतमा हस्तक्षेप गर्दैनौं भनेको भन्दै उनले अदालतमा हस्तक्षेप नगर्ने भनेको त्यहाँको नियुक्त, फैसलामा हस्तक्षेप नगर्ने भएको बताए । वरिष्ठ अधिवक्ता खरेलले भने, ‘अदालतमा आगो लागेको बेलामा म निभाउँदिनँ, त्यो हस्तक्षेप हुन्छ भन्ने तर्क गर्न मिल्छ ?’

    सक्रियतापूर्वक संलग्न हुनुपर्ने विषयमा दलका नेताहरुले मौनता साँधेको भन्दै उनले भने, आउँदा चुनावमा तपाईंहरूको निर्वाचन क्षेत्रमा हामी कानून व्यवसायी गएर यो नेता भोट दिन योग्य छैन भनेर भन्छौं ।’ खरेलले प्रधानन्यायाधीश चालेन्द्रशम्शेर जबरालाई पनि सम्मानजनक निकासका निम्ति राजीनामा दिन आग्रह गरे । आफूहरुको आन्दोलन व्यक्तिविरूद्ध नभई न्यायापालिकाको विकृति विस‌ंगति अन्त्यका लागि भएको भन्दै उनले भने, ‘उहाँले पनि बुझ्नुपर्छ कि सबैले पत्याएर प्रणाली अन्तरगत नेतृत्व दिएको हो । तलका सबै मान्छेले घरको मुली योग्य भएनौं, तिम्रो व्यवहार भेदभावपूर्ण भयो, तिमीले भ्रष्टाचारयुक्त काम गर्‍यौं भनिसकेपछि नैतिक रुपमा बस्न योग्य हुनुहुन्न ।’

    प्रतिकृया दिनुहोस्

    Loading...

    बाबुरामले मन्त्री हेरफेर नगर्न गरेको आग्रह देउवाले गरे अस्वीकार….

    काठमाडौं । जनता समाजवादी पार्टीका संघीय परिषद अध्यक्ष डा. बाबुराम भट्टराईले मन्त्री हेरफेर रोक्न गरेको...

    अर्थमन्त्रीले राजीनामा नदिए प्रधानमन्त्रीले हटाउनुपर्छ : गगन थापा

    काठमाडौं । नेपाली कांग्रेसका महामन्त्री तथा सांसद गगनकुमार थापाले अर्थमन्त्री जनार्दन शर्माले पदबाट राजीनामा दिनुपर्ने...

    कृष्णनगरमा झोला तथा जुत्ता चप्पल बनाउने १५ दिने तालिम सहित प्रविधि हस्तान्तरण

    रबि प्रकाश कसाैधन कृष्णनगर । कपिलवस्तु जिल्लाको कृष्णनगर नगरपालिका वडा नं ६ वडा कार्यालयको भवनमा...

    स्वास्थ्य जीवन तथा योग सम्बन्धमा कृष्णनगरका शिक्षक लाई तीन दिने तालिम

    रबि प्रकाश कसाैधन कृष्णनगर, । स्वास्थ्य जीवनतथा योग सम्बन्धमा कृष्णनगरका मा. वि. का शिक्षक लाई...

    पर्बत रुपन्देही सेवा समाज केन्द्रीय कार्यसमितिको सपथ ग्रहण तथा पदस्थापना कार्यक्रम सप्पन्न

    पर्बत । पर्बत रुपन्देही सेवा समाज केन्द्रीय कार्यसमितिको सपथ ग्रहण तथा पदस्थापना कार्यक्रम बुटवलमा सम्पन्न...

    Loading…

    फेसबुकमा हामीलाई लाईक गरौं