पर्वत । वी.पी कोइराला युवा नेतृत्व विकास मञ्चले नेपाली काँग्रेसलाई स्वास्थ्य सामग्री हस्तान्तरण गरेको छ । नेपालको प्रजातान्त्रीक आन्दोलनका अग्रणी व्यक्तित्व महामानव वीपी कोइरालाको १०७ औँ जन्म जयन्तीको सन्र्दभ पारेर नेपाली काँग्रेस पर्वतलाई सय थान मास्क र सेनिटाइजर लगायतका स्वास्थ्य सामग्री हस्तान्तरण गरेको हो ।
लोकतन्त्रमा विश्वास राख्ने, लोकतन्त्रमा आफ्नो भविष्य खोज्ने, लोकतन्त्रमा नै समुन्नत नेपालको सपना देख्ने युवाहरुको नेतृत्व तथा व्यक्तित्व विकास गर्दै जननायक वी. पी. कोइरालाबाट व्यक्त विचार, प्रतिपादित नीति र अवधारणालाई गाउँ गाउँमा पु¥याउने उद्देश्यले गठित मञ्चले पार्टी कार्यालयमा आज एक कार्यक्रमको आयोजना गरी स्वास्थ्य सामग्री हस्तान्तरण गरेको मञ्चका अध्यक्ष किशोर सुवेदीले जानकारी दिनुभयो । कोरोना भाइरसको संक्रमण बढिरहेको बेला पार्टीलाई थोरै भएपनि सहयोग पु¥याउने उद्देश्यले स्वास्थ्य सामग्री प्रदान गरिएको उहाँको भनाई छ ।
कार्यक्रममा बोल्दै नेपाली काँग्रेस पर्वतका सचिव अशोक उच्चै ठकुरीले राष्ट्रियता, प्रजातन्त्र र समाजवादको सिद्वान्तलाई आत्मसात गरी आफ्नो राजनीतिक यात्रामा राष्ट्रिय मेलमिलापको नीतिलाई सर्वोपरी मानेका कोइरालाको योगदान वर्तमानमा पनि उत्तिकै महत्वपूर्ण रहेकोमा जोड दिनुभयो । कार्यक्रमका प्रमुख अतिथी समेत रहेका ठकुरीले वीपीको सिद्धान्तलाई आत्मसाथ गदै वर्तमान सरकारले गरेको गलत कामको भण्डाफोर गर्न युवाहरुलाईे निर्देशन दिनुभयो ।
वी.पी कोइराला युवा नेतृत्व विकास मञ्चका अध्यक्ष सुवेदीको सभापतित्वमा सम्पन्न भएको कार्यक्रमको संचालन मञ्चका सचिव सन्तोष पाठकले गर्नुभएको थियो ।
