पर्वत । सत्ताधारी नेकपाबाट देश र जनताको न्याय हुँदैन भन्दै प्रभावशाली नेता पुण्य आचार्यद्धारा पार्टी परित्याग गरेको घोषणा गरेका छन् । उनको पार्टी परित्यागको घोषणाले नेकपा पर्वतमा हल्लाखल्ला नै मच्चिएको छ भने पैयु क्षेत्रले एउटा आसा लाग्दो नेकपाको नेताको अभाव अब बेहोर्ने छ ।
बिगत लामो समय देखि माओवादी आन्दोलनको नेतृत्वमा रहेका नेता आचार्य नेकपा माओवादी केन्द्रको केन्द्रिय तथा हाल नेकपा पर्वतको नेता रहेका थिए । जनयुद्धकालमा लामो समय नेतृत्वमा रहेका थिए ।
सत्तामा रहेको समय पनि जनताको पक्षमा काम गर्न नसकेको र आम नागरीकका अपेक्षाहरुमा नेकपाले देखाएको रबैयाको कारण जनतामा निरासा रहेको भन्दै यस्तो अबस्थामा पनि नेकपा नै हुँ भनेर बस्न सकिने अबस्था नरहेको भन्दै पार्टी परित्याग गरेको आचार्यले बताएका छन् ।
उनको पार्टी परित्यागले नेकपा पर्वतमा मात्रै नभएर दक्षिण क्षेत्र पैयुको पार्टी संगठन समेत निकै ठुलो असर गर्ने स्थानिय नेताहरुले बताउने गरेका छन् । आचार्यले पार्टी परित्याग गरेको भए पनि कुन पार्टी जाने भन्ने बारे अहिले नै निणर्य भने नगरीसकेको बताइएको छ ।
