पोखरा । नागढुङ्गा विकास समाजको आयोजनामा समुदाय प्रहरी साझेदारी कार्यक्रम अन्तर्गत छलफल तथा समिक्षा कार्यक्रम सम्पन्न भएको छ । कार्यक्रमको उद्घाटन गर्दै प्रमुख अतिथि पोखरा महानगरपालिका वडा नम्वर ८ का वडा अध्यक्ष रुद्रनाथ बरालले समाजले गरेका गतिविधिमा वडाको पनि साथ र सहयोग रहने प्रतिवद्धता व्यक्त गर्नुभयो ।
उहाँले नागढुङ्गा विकास समाजले टोलका विभिन्न स्थानमा सिसिटिभी राखेर चोरी डकैतीलाई न्युनिकरण गर्न उम्मुख भएको बताउनुभयो । कार्यक्रममा रेडियो सफलताका प्रवन्ध निर्देशक दुर्गा अधिकारीले समाजले गरेका गतिविधिको खुलेर प्रशंसा गर्नुभयो ।
कार्यक्रममा पोखरा महानगरपालिका कृषि महाशाखाका प्रमुख मनोहर कडरिया, वडा प्रहरी कार्यालय बैदामका इन्स्पेक्टर बुद्धिसागर पुरी, सल्लाहकार तथा प्राध्यापक भिमनाथ बराल लगायतले बोल्नुभएको थियो । समाजका अध्यक्ष डम्वरराज सुवेदीको अध्यक्षतामा भएको कार्यक्रमको सञ्चालन सचिव अपिला बरालले गर्नुभएको थियो भने स्वागत मनतव्य सल्लाहकार शेषबहादुर थापाले गर्नुभएको थियो ।
