SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/७/७ गते
    ३११ &#२३४६;&#२३३५;&#२३२५;

    बेमौसमी वर्षाका कारण प्रदेश १ का विभिन्न जिल्लामा भएको क्षति अवलोकनका लागि आइतवार बिहान निस्किएका प्रधानमन्त्री शेरबहादुर देउवा सबैभन्दा पहिले सुनसरी पुगेका थिए।

    सुनसरीमा बाढीले ठूलो क्षति गरेपछि उनी सुरुमै त्यहीँ पुगेका थिए। बाढी पहिरोले प्रदेश १ मा गरेको क्षतिबारे प्रधानमन्त्री देउवाले ब्रिफिङ लिने कार्यक्रम सुनसरीमा तय भएको थियो।बाढी पहिरोको क्षतिबारे प्रधानमन्त्रीले ब्रिफिङ लिनका लागि सुनसरीको पकलीस्थित सशस्त्र प्रहरीको प्रदेश कार्यालयमा व्यवस्थापन गरिएको थियो।

    तर त्यहाँ बाढीपीडित सर्वसाधारण थिएनन्। थिए त प्रदेश १ का हाइप्रोफाइल व्यक्ति र नेताहरु। ब्रिफिङस्थलमा उच्च तहका कर्मचारी पनि पुगेका थिए। बाढीपीडितसँग भेटघाट र प्रभावित जिल्लाको अवस्थाबारे जानकारी लिने कार्यक्रम त्यहाँ तय भएको थियो। तर उनी खास बाढीपहिरो पीडितलाई नभेटी हेलिकप्टरबाटै प्रभावित क्षेत्र हेरेर हिँडेका छन्।

    बाढीपहिरो पीडितलाई राहत तथा क्षतिपूर्तिको आश्वासनसहित अन्य मन्त्रीहरु पनि लिएर उनी प्रदेश १ आएका थिए। तर प्रधानमन्त्री देउवाले हाईप्रोफाइलहरुलाई मात्रै भेटेर हिँडेपछि बाढी पीडित निराश भएका छन्। उनले पकलीमा सरकारी कर्मचारीहरूबाट बाढी, पहिरो र डुबान प्रभावित जिल्लाको ब्रिफिङ सुनेका थिए।ब्रिफिङपछि देउवाले काठमाडौं पुगेर छिट्टै राहात घोषणा गर्ने आश्वासन भने दिन भ्याए।

    विपत्ति ढोल बजाएर आउँदैन,अचानक आइदिन्छ, यसै कारण पनि नेपालमा अर्बौंको क्षति भएको छ, देउवाले भने,म काठमाडौं जानासाथ केही न केही घोषणा गर्छु।प्रदेश १ का बाढी, पहिरो र डुबान प्रभावित जिल्लाको अवस्था बुझ्न उनी आइतवारै मोरङ, इलाम र पाँचथर जाने कार्यक्रम छ।

    प्रधानमन्त्री देउवाको चारै जिल्लामा प्रभावित क्षेत्रको अवलोकन गर्ने कार्यक्रम छ। तर, अन्य जिल्लामा पनि सुनसरी जस्तै ब्रिफिङ लिने कार्यक्रम मात्रै राखिएको सुरक्षा अधिकारीहरुले बताएका छन्। डुबान प्रभावित जिल्लाको अवस्था बुझ्न प्रधानमन्त्री देउवासँगै ऊर्जामन्त्री पम्फा भुसाल, कानुनमन्त्री ज्ञानेन्द्र बहादुर कार्की र स्वास्थ्य राज्यमन्त्री भवानी खापुङ प्रदेश १ आएका हुन्।

    देउवाले पकलीमा सुनसरी र सप्तरीका प्रमुख जिल्ला अधिकारीबाट ती जिल्लाको वस्तुगत अवस्थाको तथ्यांक लिएका थिए। उनले प्रदेश १ को आन्तरिक मामिला तथा कानुन मन्त्रालयका सचिव र प्रदेशका मुख्य सचिवबाट पनि त्यहाँको क्षतिको अवस्था बुझेका थिए।

    प्रतिकृया दिनुहोस्

    Loading...

    कृष्णनगरमा जेष्ठ नागरिक सरोकार वालाहरू एक दिने छलफल कार्यक्रम सम्पन्न

    कृष्णनगर, । जेष्ठ नागरिक सरोकार वालाहरू एक दिने छलफल कार्यक्रम कपिलवस्तु जिल्लाको कृष्णनगर नगरपालिका वडा...

    पेट्रोलिएम पदार्थको मुल्यवृद्धि तथा सवारिकर वृद्धि फिर्तालिन अनेरास्ववियु पर्बतको माग :कडा आन्दोलनमा उत्रने चेतावनी(पत्रसहित)

    पर्वत .नेकपा एमाले को भातृ संगठन अखिल नेपाल राष्ट्रिय स्वतन्त्र विद्यार्थी युनियन ले पेट्रोलिएम पदार्थको...

    पर्वतका तिलक अधिकारी युवा लिग नेपालको केन्द्रिय सचिवमा निर्बाचित अध्यक्षमा केशव ढल्कोटी

    काठमाडौं । नेकपा (क्रान्तिकारी माओवादी)को युवा संगठन क्रान्तिकारी युवा लिग (आरवाईएल)को शुक्रबार काठमाडौंमा शुरु भएको...

    जिल्ला भलिबल संघ पर्वतको अधिवेशन सम्पन्न, अध्यक्षमा लक्ष्मणकुमार श्रेष्ठ,उपाध्यक्षमा जगदिश सुवेदी निर्वाचित

    पर्वत । जिल्ला भलिबल संघ पर्वतको साधारण सभा तथा अधिवेशन सम्पन्न कुश्मा बजारमा सम्पन्न भएकाे...

    प्रभु बैंकसँग The Cliff काे सहकार्य, प्रभु बैंकको मोबाइल एप प्रयाेग गर्दा १० प्रतिशत छुट

    पर्वत । प्रभु बैंक लिमिटेड र बन्जी जम्प The Cliff काे सहकार्य भएकेा छ ।...

    Loading…

    फेसबुकमा हामीलाई लाईक गरौं