SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/६/१२ गते
    ७०१ &#२३४६;&#२३३५;&#२३२५;

    पर्वत। विद्यार्थीहरु बिरामी पर्न थालेपछि पर्वतको कुश्मा नगरपालिका वडा नं ११ पकुवाको सिल्सीमा रहेका दुईवटा विद्यालय बन्द गरिएको छ ।
    स्थानीय विश्वज्योती प्राविधिक तथा व्यावसायिक मावि र रानीस्वाँरा आधारभुत विद्यालय बन्द गरिएको हो ।विगत एक सातादेखि विद्यार्थीहरुमा ज्वरो, रुघाकोकी, टाउको दुख्ने, वान्ता हुने जस्ता लक्षण देखिएपछि बिद्यालय बन्द गरिएको विश्वज्योती प्राविधिक तथा व्यावसायिक माविका प्र.अ गणेश तिमिल्सिनाले जानकारी दिनुभयो । शुरुमा कक्षा ७ का विद्यार्थीहरु बिरामी परेका थिए । त्यसको एक सातापछि शनिवारदेखि अन्य कक्षाका बिद्यार्थीहरु समेत बिरामी परेपछि अनिश्चित कालका लागि विद्यालय बन्द गरिएको प्रअ तिमिल्सिनाले जानकारी दिनुभयो ।

    पकुवाको साविक वडा नं। ३ रानीस्वाँर क्षेत्रका अधिकांस विद्यार्थी बिरामी परेका हुन् । बालबालिका तथा विद्यार्थीहरु बिरामी पर्न थालेपछि स्थानीय रानीस्वाँर प्रावि पनि बन्द गरिएको छ । शुरुमा बिरामी परेका विद्यार्थीहरु एक सातासम्म पनि निको भईनसकेको र अन्य विद्यार्थीहरु पनि बिरामी पर्ने क्रम बढेपछि विद्यालय बन्द गर्नुको विकल्प नभएको हो । थप विद्यार्थीहरुमा संक्रमण नफैलियोस् भनेर विद्यालयमा पठनपाठन रोकिएको उहाँको भनाई रहेको छ ।
    अहिले झण्डै ६० जना विद्यार्थी बिरामी परेका छन् । उनिहरु सवैको पिसिआर परिक्षणका लागि स्वास्थ्यकर्मी बोलाउन पहल भैरहेको छ । वडा अध्यक्ष शिवप्रसाद पौडेलले बिरामी परेका विद्यार्थीहरुको पिसिआर वा एन्टीजेन परिक्षणका लागि स्वास्थ्यकर्मीलाई बोलाईएको बताउनुभयो ।
    भाईरल र कोरोनाको लक्षण उस्तैउस्तै भएकाले थप सजगता अपनाउन विद्यार्थीहरुलाई भनिएको छ । उनिहरुले स्थानीय स्वास्थ्य चौकीमा स्वास्थ्य परिक्षण गरेर औषधी सेवन गरिरहेको प्र.अ तिमिल्सिनाले जानकारी दिनुभयो ।
    पर्वतमा यसै सातादेखि विद्यालयहरुको भौतिक उपस्थितिमा पढाई गरिएको हो । असोज १ गतेदेखि विद्यालयहरु खुलेका हुन् । विद्यालय खुलेको केहि दिनमै बिरामी परेपछि पढाई प्रभावित बनेको प्रद्यानाध्यापक तिमिल्सिनाले जानकारी दिनुभयो ।साभार.गण्डकी संचार

    प्रतिकृया दिनुहोस्

    Loading...

    गोकुल बास्कोटाको घरमा भेटिएको शंकास्पद वस्तु सेनाद्वारा निष्क्रिय

    भक्तपुर । नेकपा एमालेका नेता एवम् नवनिर्वाचित प्रतिनिधि सभा सदस्य गोकुल बास्कोटाको भक्तपुरस्थित घरमा भेटिएको...

    क्यान पर्वतको पाँचौ अधिबेशन सम्पन्न, अध्यक्षमा अच्युत पौडेल

    पर्वत ,कम्प्युटर एशोसिएसन नेपाल महासङ्घ (क्यान महासंघ) पर्वत शाखाको पाँचौ अधिबेशनले अच्युत पौडेलको अध्यक्षतामा नयाँ...

    बाजुराबाट प्रदेशसभामा एकीकृत समाजवादीका शाही निर्वाचित

    काठमाडौं । बाजुराको प्रदेश सभा निर्वाचन क्षेत्र १ बाट नेकपा एकीकृत समाजवादीका नरेशकुमार शाही निर्वाचित...

    एमालेसँग मिलेर सरकार बनाउने विकल्प माओवादीमा खुला

    काठमाडौं । नेकपा माओवादी केन्द्रमा नयाँ सरकार गठन जोसुकैसँग मिलेर गर्न सकिने विकल्पलाई खुल्ला राख्नेबारे...

    स्याङ्जा २ मा कांग्रेसका धनराज गुरुङको जित निश्चित

    काठमाडौं । स्याङ्जा २ बाट प्रतिनिधिसभा सदस्यमा नेपाली कांग्रेसका उम्मेदवार धनराज गुरुङ जित निश्चित भएको...

    Loading…

    फेसबुकमा हामीलाई लाईक गरौं