Suchana Kendra

Ad

गृहपृष्ठ » मुख्य समाचार, समाचारसरकारले नचिनेका आज उनै नेपाल एकीकरणका नायक पृथ्वीनारायण शाह जन्मिएको दिन…

सरकारले नचिनेका आज उनै नेपाल एकीकरणका नायक पृथ्वीनारायण शाह जन्मिएको दिन…

January 11, 2017८२ पटक

काठमाडौ । लामो बहस भयो तर देशका नायकलाई सरकारले चिन्न सकेन । नेपाल एकीकरणका नायक पृथ्वीनारायण शाहको २९५ औं जन्मजयन्ती विभिन्न कार्यक्रम गरी आज मनाइँदैछ ।

विक्रम संवत् १ का ७७९ साल पुस २७ गते गोर्खामा जन्मिएका शाहले आफ्नो शासनकालमा ५० वटाभन्दा बढी भुरे–टाकुरे राज्यलाई जोडेर नेपाल एकीकरण गरेका थिए । २० बर्षको उमेरमै राजगद्दी सम्हालेका शाहले जीवनपर्यन्त एकीकरण अभियान अगाडि बढाएका थिए ।

उनको यही योगदानको कदर गर्दै पुस २७ गतेलाई राष्ट्रिय एकता त्रिदवसका रुपमा मनाइने गरिएकोमा २०६२/२०६३ को आन्दोलनपछि बनेको सरकारले एकता दिवस खारेज गरेको थियो ।

माओवादीको दबावमा तत्कालीन गृहमन्त्री कृष्ण सिटौलाले पृथ्वी जयन्ती र सो अवसरको बिदा कटौतीको प्रस्ताव मन्त्रिपरिषदमा लगेका थिए । यद्यपि, त्यसपछिका बर्षमा पनि जनस्तरबाट पृथ्वी जयन्ती मनाउने क्रम भने जारी नै छ ।

पछिल्ला वर्षहरुमा पुस २७ गतेलाई राष्ट्रिय एकता दिवसको रुपमा मनाउन जनस्तरबाट माग भए पनि सरकारले उक्त आवाजको कदर गरेको छैन । आज काठमाडौं लगाएत देशका अरु भागमा पनि यस वर्ष पृथ्वी जयन्तीका अवसरमा विभिन्न कार्यक्रम गरिने भएको छ ।

Loading...
प्रतिकृया दिनुहोस्

भर्खरै

Ad