Suchana Kendra

Ad

गृहपृष्ठ » मुख्य समाचार, समाचारसंचारमन्त्री र टेलिकम महानिर्देशकले आधा घण्टा लाग्ने कार्यक्रमलार्इ तीन दिन लगाएर पोखरामा मस्ती

संचारमन्त्री र टेलिकम महानिर्देशकले आधा घण्टा लाग्ने कार्यक्रमलार्इ तीन दिन लगाएर पोखरामा मस्ती

January 10, 2017१६६ पटक

               पोखरा, । जम्मा आधा घण्टा लाग्ने कार्यक्रमलाई तीन दिन लगाएर टेलिकमकी महानिर्देशक कामिनी राजभण्डारीले पोखरामा गरेको मस्तीको पर्दाफास भएको छ ।

५० लाइनको टेलिकम एक्सचेन्जको उद्घाटन गर्न पोखरामा संचारमन्त्री राम कार्कीको उपस्थितिमा नेपाल टेलिकमकी महानिर्देशक कामिनी राजभण्डारीले २० जनाको जम्बो टोली लिएर तीन दिन पोखरामा मस्ती गरेकी छिन् ।

पोखरामा जम्मा आधा घण्टा लाग्ने उद्घाटन कार्यक्रमका लागि नेपाल टेलिकमकी महानिर्देशक राजभण्डारीले तीन दिन समय लगाएपछि नेपाल टेलिकममा ठूलो हंगामा मच्चिएको छ ।

महानिर्देशक राजभण्डारीले तीन दिन पोखराको फाइभ स्टार होटलमा १७ कोठा बुक गरेर मस्ती गरेकी थिइन् ।

पौष २४ गते गर्ने भनिएको टेलिकम एक्सचेन्ज उद्घाटनका लागि २२ गते नै महानिर्देशक राजभण्डारीले जम्बो टीम लिएर पोखरा प्रस्थान गरेकी थिइन् । साथै नेपाल सरकारका सूचना तथा संचार मन्त्री राम कार्की पनि ठूलो टोली लिएर पोखरा पुगेका थिए ।

संचारमन्त्री कार्कीले पनि तीन दिन पोखरामा मस्ती गरेको नेपाल टेलिकमका कर्मचारीहरुले बताउने गरेका छन् ।

शुक्रबार र शनिबार पोखरामा मस्ती गरेर आइतबार आधा घण्टाको कार्यक्रम सकेर टेलिकम महानिर्देशक राजभण्डारीको जम्मो टोली काठमाडौं फर्केको छ ।

उनको टोली राजधानी फर्केलगत्तै टेलिकमका कर्मचारीहरुले राज्यको सम्पतिमाथि लुट मच्चाउन गरेको अनैतिक हर्कत भन्दै विरोध जनाएका छन् ।

‘आधा घण्टा समय लाग्ने कार्यक्रमलाई तीन दिन लगाएर हाम्रो टेलिकम महानिर्देशक राजभण्डारीले पोखरामा जुन हर्कत देखाउनु भयो, त्यो असाध्यै निन्दनीय कार्य छ ।’ नाम नछाप्ने शर्तमा टेलिकमका एक कर्मचारीले भने– ‘यो त राज्यको साझा सम्पतिमाथि लुट भयो नि त । यसबारे सम्वन्धित निकायले अनुगमन गरेर गंभीरतापूर्वक कदम लिनुपर्छ ।’

यसबारे टेलिकम महानिर्देशक कामिनी राजभण्डारीलाई टेलिफोनबाट पोखराको मस्तीबारे बुझ्न खोज्दा उनले पोखरामा तीन बिताएको स्वीकार गरेकी छिन् । तर, पोखरामा अरु टेलिकमको कार्यक्रमहरु रहेकोले तीन दिन बिताउनु परको राजभण्डारीको दाबी रहेको छ ।

यता नेपाल टेलिकम कर्मचारीहरु भने पोखरामा कुनै महत्वपूर्ण मिटिङ नै नभएको बताउछन् । पोखराको मस्ती समाचारबारे सूचना तथा संचार मन्त्री राम कार्कीलाई टेलिफोन हान्दा रिसिभ गरेनन् ।

दश वर्ष जनयुद्ध लडेर आएका मन्त्री कार्की पनि महानिर्देशक राजभण्डारीको निम्तो स्वीकार गरेर तीन दिन पोखरा सयरलाई धेरैले अनौठो र अनुचित भन्दै आक्रोश व्यक्त गरेका छन् । जनपाटी डटकमबाट

Loading...
प्रतिकृया दिनुहोस्

भर्खरै

Ad