SuchanaKendra

  • Radio Kushum


  • Ad
  • Ad
  • प्रकाशित : २०७३/९/२४ गते
    ४४१ पटक
    Loading...
    Ad

    नेपाली राजनीतिमा चर्चामा आइरहने युवा नेतामध्ये एक हुन्– रामहरि खतिवडा । उमेरले ४५ नाघेका उनी ओखलढुंगा–२ बाट निर्वाचित सांसद हुन् । कांग्रेस नेता खतिवडा हालसम्म अविवाहित छन् ।

    ‘विवाह कहिले गर्ने ?’ कतै साथीभाइ भेट्दा होस् या पत्रकारसँग कुराकानी गर्दा उनीसँग सर्वाधिक सोधिने प्रश्न हो यो । यस्ता प्रश्नले उनलाई चसक्क छुन्छ र भनिदिन्छन्, ‘बिस्तारै गरौँला नि ।’ उनलाई कस्ती युवती मनपर्छ त ? आजको नयाँ पत्रिका दैनिकमा समाचार छ ।

    बिहेको प्रश्न

    अहिले मलाई बिहेको प्रश्नले सबैभन्दा बढी सताउने गर्छ । सार्वजनिक कार्यक्रममा जाँदा होस् या साथीभाइसँगको भेटघाटमा ‘बिहे कहिले गर्ने ?’ भन्ने प्रश्न मेराअघि तेर्सिन्छ । यस्ता प्रश्नले मलाई चसक्क छुन्छ र अब त गर्नुप-यो भन्ने सोच्छु । तर, खै के मिल्दैन, मिल्दैन ।

    जात

    म राजनीतिकर्मी भएकाले हामीले सबै जात, भाषा, समुदायलाई सम्मान गर्नुपर्ने हुन्छ । संविधानमा समेत हामीले विशेष व्यवस्था गरेर सबैलाई समान हक, अधिकार दिएका छौँ । तैपनि कतिपय कुराहरू नितान्त व्यक्तिगत हुन्छन् । मेरो हकमा पनि यही लागू हुन्छ । नढाँटी भन्नुपर्दा आमाबाबुले बाहुन केटी हुनुपर्छ भन्नुहुन्छ । मलाई उहाँहरूले हुर्काएर, बढाएर यहाँसम्म पु-याउनुभएको हो । उहाँहरू अझै पनि गाउँमै घाँस, दाउरा गरेर बस्नुहुन्छ । त्यसैले उहाँहरूको इच्छाअनुसार नै गर्छु भन्ने सोचेको छु । मैले आमालाई निकै माया गर्ने भएकाले उहाँको मन दुखाउन चाहन्न । सकेसम्म आफ्नै जात र हुँदै भएन भने त्यसमा केही कम्प्रमाइज गर्न सकिन्छ ।

    जीवनशैली र प्रस्तुतीकरण

    समय र परिस्थितिअनुसार चल्न सक्ने हुनुपर्छ । गाउँमा रहँदा सोहीअनुरूपको पहिरन लगाउने, सरल भाषा बोल्ने, सबैसँग भिज्न सक्ने हुनुपर्छ । पार्टीमा जाँदा फरक बन्न सक्नुपर्छ । कसैलाई प्रभाव पार्न सक्ने बोलीचाली हुनुपर्छ । उसको कुनै कुराले कसैको मन नदुखोस्, कोही अप्ठ्यारोमा नपरोस् । देश, समाज र परिवारप्रति उत्तरदायी होस् । सहयोगी हात होस् र सबैलाई सद्भाव बाँड्न सकोस् । म रमाइलो गर्ने, हाँस्ने, हँसाउने मान्छे हुँ । त्यसैले संदिग्धभन्दा स्थान र समयअनुसार रमाउन सक्ने, अरूलाई हँसाउन सक्ने भए राम्रो ।

    पेसा-व्यवसाय

    म आफैँ राजनीतिकर्मी भएकाले राजनीति गर्नेलाई मैले कम प्राथमिकतामा राखेको छु । आफू एकातिर हिँड्यो, श्रीमती अर्कोतिर हिँड्ने हुने हो भने घर, परिवार अस्तव्यस्त हुने सम्भावना बढी हुन्छ । तर, यस क्षेत्रलाई बुझेको भने हुनुपर्छ । राजनीतिक घटनाक्रमलाई लिएर वादविवाद तथा अन्तक्र्रिया गर्न सक्ने खालको भए झनै राम्रो । यो क्षेत्र वा त्यो क्षेत्रभन्दा पनि आफ्नै खुट्टामा उभिएको र घर चलाउन सक्ने क्षमता भएको हुनुपर्छ ।

    पढाइ र उमेर

    कमसेकम बिए, एमए गरेको हुनुपर्छ । हल्का बौद्धिक, ‘सेन्स अफ ह्युमर’ भएको, सामाजिक परिस्थिति जाने/बुझेको भए अति उत्तम । उमेर २५ देखि ३० वर्ष पुगेको हुनुपर्छ । बिहे गर्ने सोच बनाउँदा कहिले उमेर बढी भएको भेटिन्छन्, कहिले धेरै कम भएको । म आफैँ ४० नाघेकाले मसँग सुहाउँदो उमेरको भए राम्रो ।

    रूपरङ, हाइट

    रूपरङ मानिसको इच्छा र चाहनामा भरपर्ने कुरा हो । सबैभन्दा महत्वपूर्ण भनेको उसको मन सफा हुनुपर्छ । मन मिलेपछि सबै मिल्छ । देख्दा आँखालाई सुहाउने भए हुन्छ मलाई । धेरै गोरो वा कालो भन्ने पनि छैन । मजस्तै, मसँग हिँड्दा सुहाउने खालको भए हुन्छ । हाइट पनि मसँग मिल्ने खालको हुनुपर्छ । धेरै सानो वा सेन्डल लगाउँदा मभन्दा अग्लो देखिने हुनुभएन ।

    प्रतिकृया दिनुहोस्
    Loading...

    जापानमा नेपाली युवाहरुको सक्रियतामा गठित नेपाल जापान फ्रेन्डसिप लायन्स क्लबको उद्घाटन

    जापानमा नेपाली युवाहरुको सक्रियतामा गठित नेपाल जापान फ्रेन्डसिप लायन्स क्लबको बुधवार एक समारोहको बिच उद्धाटन...

    बक्षस्थल देखाएको भन्दै बेश्या भनेर आरोप लागेकी दिशाको आयो यस्तो कडा जवाफ

    हालै आयोजित फिल्म फेयर अवार्डमा बलिउडकी नवअभिनेत्री दिशा पाटनी बक्षस्थल देखिने उत्तेजक पहिरन लगाएर पुगेकी...

    किन गए भारतिय राजदुत रंजित रे आकस्मिक रुपमा ओली भेट्न बालकोट

    पछिल्लो समय भारतबिरुद्ध चर्को कुरा गरेका नेकपा एमालेका अध्यक्षलाई केपी शर्मा ओलीलाई भेट्न भारतिय राजदुत...

    नेपाल पुलिस क्लबले सडेन डेथमा संकटा क्लबलाई हराउदै उन्नाइसौँ बुढासुब्बा गोल्ड कपको उपाधी उचाल्यो

    धरान, नेपाल पुलिस क्लबले सडेन डेथमा संकटा क्लबलाई हराएर उन्नाइसौँ बुढासुब्बा गोल्ड कपको उपाधी जितेको...

    स्पेनिस ला लिगा: सेभिल्लाले रियल बेटिसलाई हराउदै रियल मड्रिडलाई दियो टक्कर

    स्पेनिस ला लिगामा सेभिल्लाले शीर्ष स्थानको रियल मड्रिडसँग अंक बराबरी गरेको छ । लिग अन्तर्गत...

    फेसबुकमा हामीलाई लाईक गरौं

    Ad
    Ad
    Ad