SuchanaKendra

  • Radio Kushum


  • सुचनाकेन्द्र संवाददाता प्रकाशित : २०८१/३/३ गते
    ६८ &#२३४६;&#२३३५;&#२३२५;

    पर्बत । जिल्लामा कार्यरत स्वास्थ्य बिमा सहयोगीहरूले बिभिन्न १० बुदे मागहरु राखेका छन् । स्वास्थ्य बिमाको अभिकर्ताको समेत भूमिका निर्वाह गर्दै आइरहेका सहयोगीहरूले सरकारसँग विभिन्न १० वटा बुँदाहरुमा आफ्ना माग राखेका हुन् । सहयोगी कार्यकर्ताहरुले आफुहरुले पाउदै गरेको प्रोत्साहन रकममा महालेखा परिक्षकको कार्यालयले १५ प्रतिशत कर कट्टीको लागि बेरुजु लेखेता पनि पहिले झै १ प्रतिशतनै कर काटने व्यवस्था गर्ने । साथै आवश्यक व्यवस्था गरि हामीले पाउने प्रोत्साहन रकम नघटने व्यवस्था गर्न माग गरेका छन् ।

    उनीहरुले दर्ता सहयोगीहरुलाई दिईदै आएको प्रोत्साहन रकमको १० प्रतिशतलाई रकम २०७३ साल देखिनै कायम रहेको र हालको महङ्गीले उक्त प्रतिशतलाई अन्य कर्मचारीहरुको बढ तलब प्रतिशत अनुसार प्रोत्साहन प्रतिशतलाई पनि वढाउनु पर्ने माग गरेका छन् ।

    यसैगरी उनीहरुले स्वास्थ्य बिमा नियमावली २०७५ अनुसार बोर्डले सम्झौता गर्दा अनुसूचि ५ को नियम ९आ० ३ को उपनियम ख र ग सम्बन्धमा कुल जनसंख्याको कार्यक्रममा बीमित संख्याको प्रतिशतको आधारमा कुल योगदानको रकम जनसंख्याको ५० प्रतिशत वा सो भन्दा वढि विमित्त भएमा १२।५ प्रतिशत प्रोत्साहन र जनसंख्याको ८० प्रतिशत वा सो भन्दा वढि विमित्त भएमा १५ प्रतिशत प्रोत्साहन रकम पाउने स्पष्ट लेखेकोमा स्वास्थ्य बिमा वोर्डले उक्त प्रोत्साहन रकम एकपटकलाई मात्र भनि व्याख्या गरेकोले उक्त प्रतिशत पुर्याउने वडाका दर्ता सहयोगीहरुलाई नियमावली र सम्झौता अनुसार एकपटक मात्र नभई सधै पाउने व्यवस्था गर्न माग गरेका छन् ।

    स्वास्थ बिमा बोर्ड पर्वतमा ज्ञापन पत्र दिदै दर्ता सहयोगीहरुलाई पोशाक लगायत अत्यावश्यक मोबाईल, स्टेशनरी सामाग्रीहरु यथासिघ्र उपलब्ध गराउने साथै पोशाक र आवश्यक स्टेशनरी प्रत्येक वर्ष उपलब्ध गराउनु पर्ने माग गरेका छन् ।

    ज्ञापन पत्र बुझे पछि स्वास्थ बिमा वोर्ड पर्वतका कार्यालय प्रमुख टीका कुमारी श्रीसले सहयोगी कार्यकर्ताको माग सम्बन्धित निकायमा पठाउने जानकारी दिइन् ।

    प्रतिकृया दिनुहोस्

    Loading...

    विपद् ब्यवस्थापन र न्यूनीकरणमा सबैको ध्यान केन्द्रित गरौँ : मुख्यमन्त्री पाण्डे

    पोखरा । गण्डकी प्रदेशका मुख्यमन्त्री सुरेन्द्रराज पाण्डेले विपद् ब्यवस्थापन र न्यूनीकरणका सवालमा सबैको ध्यान केन्द्रित...

    सामाजिक कथामा आधारित सिनेमा ईश्वर, हलमा दर्शक आउने आशावादी

    पोखरा । साउन ११ गतेबाट रिलिज हुन लागेको सिनेमा ईश्वर सामाजिक कथामा आधारित रहेको निर्माण...

    ओली सरकारमा समावेशी भन्ने कुरा नारामा सिमित ,दलितविहीन मन्त्रिपरिषद्, २ जना मात्रै महिला

    काठमाडौं । नवनियुक्त प्रधानमन्त्री केपी शर्मा ओलीले आफूसँगै २१ मन्त्रीहरूको पनि शपथ गराएका छन् ।...

    ओली सरकारमा २२ सदस्यीय मन्त्रिपरिषद गठन

    काठमाडौं । प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुलाई...

    पोखरा १६ को गर्लाङ होमस्टे प्रवद्र्धनमा हाइकर्स क्लब

    पोखरा । पोखरा महानगरपालिका वडा नं. १६ मा रहेको गर्लाङ सामुदायिक होमस्टेको हाइकिङका माध्यमबाट प्रचारप्रसार...

    Loading…

    फेसबुकमा हामीलाई लाईक गरौं