SuchanaKendra

  • Radio Kushum


  • सुचनाकेन्द्र संवाददाता प्रकाशित : २०८०/१/८ गते
    ३३२१ &#२३४६;&#२३३५;&#२३२५;

    काठमाडौं ।

    यदि तपाईंले पनि फेसबुक चलाउनुहुन्छ र तपाईंले फेसबुक अकाउन्ट सन् २००७ देखि सन् २०२२ को डिसेम्बरसम्मको अवधिमा खोल्नुभएको हो भने खुसीको खबर छ । किनकि तपाईंले आफ्नो त्यस्तो फेसबुक अकाउन्टबाट पैसा पाउन सक्नुहुन्छ ।

    हो, फेसबुकको मातृ कम्पनी मेटाले यस्ता फेसबुक प्रयोगकर्तालाई रकम दिने भएको छ । तर यसका लागि केही शर्त राखिएको छ ।

    फेसबुकमाथि सन् २०१८ मा क्याम्ब्रिज एनालिटिकालाई गलत तरिकाले आफ्ना ८ करोड ७० लाख प्रयोगकर्ताहरुको व्यक्तिगत जानकारी दिएको आरोप लागेको थियो । सोही मुद्दामा क्षतिपूर्ति प्रदान गर्नका लागि फेसबुक सहमत भएको छ । अर्थात् फेसबुकले उक्त घटनाबाट प्रभावित भएकाहरुका लागि कूल ७२ करोड ५० लाख डलर क्षतिपूर्ति दिँदैछ र तपाईं पनि सो रकमको एक हिस्सेदार बन्न सक्नुहुन्छ ।

    फेसबुकमाथि डाटा चोरीको यो आरोप सन् २०१८ मा लागेको थियो र सोही विषयमा सन् २०१९ मा कम्पनीमाथि मुद्दा दायर भएको थियो ।उक्त मुद्दामा फेसबुकले केवल लैंगिक तथा उमेरजस्ता प्राकृतिक डाटाहरु मात्र नभई प्रयोगकर्ताको तस्वीर, उनीहरुले बनाएका भिडियो, हेरेका भिडियो तथा निजी मेसेजहरु समेत शेयर गर्ने गरेको दाबी गरिएको थियो ।

    फेसबुकबाट पैसा पाउन कसरी गर्ने आवेदन ?

    सन् २००७ को मे २४ देखि सन् २०२२ को डिसेम्बर २२ को बीचमा फेसबुकमा खाता खोलेका प्रयोगकर्ताहरुले उक्त रकममा दाबी गर्न सक्दछन् । यसका लागि आगामी अगष्ट २५ सम्ममा दाबी प्रस्तुत गरिसक्नु पर्नेछ ।

    सन् २०२२ मा क्याम्ब्रिज एनालिटिकाका सम्बन्धमा परेको मुद्दामा एउटा सम्झौता भयो र त्यसलाई अदालतमा लगियो । त्यसपछि २२ डिसेम्बरसम्म लामो छलफल भयो । त्यसपछि वादी पक्षले सम्झौताको प्रारम्भिक स्वीकृतिका लागि एक प्रस्ताव पेश गर्यो ।

    वादीको प्रतिनिधित्व गर्ने कानूनी फर्म केलर रोहरब्याक एलएलपीका के डेरेक लोसर तथा लेस्ली विवरका अनुसार सो ऐतिहासिक सम्झौताले फेसबुकको निकै जटिल तथा प्रमुख मानिएको प्राइभेसी सम्बन्धी मामिलामा सम्बन्धित पक्षलाई राहत प्रदान गर्नेछ ।

    फेसबुकले प्रदान गर्ने रकम दाबी गर्न अनलाइन फारम भरेर पेश गर्नु पर्दछ । तर फेसबुकको उक्त रकममा दाबी गर्नका लागि माथि उल्लेखित अवधिमा कुनै समय तपाईं अमेरिकामा पुगेको हुनुपर्नेछ । यदि तपाईं त्यस अवधिमा कहिल्यै पनि अमेरिका जानुभएको छैन भने आवेदनका लागि अयोग्य हुनु हुनेछ ।

    प्रतिकृया दिनुहोस्

    Loading...

    यू–१५ विद्यालय खेलकुद प्रतियोगिता अन्र्तगत बास्केटवलको लिग चरणका खेलहरु सम्पन्न गण्डकी सेमिफाइनलमा प्रबेश

    पोखरा। पोखरामा जारीे ‘यू–१५ विद्यालय खेलकुद प्रतियोगिता–२०८०’ अन्र्तगत बास्केटवल खेलको लिग चरणका खेलहरु सम्पन्न भएका...

    यू–१५ विद्यालय स्तरीय खेलकुद प्रतियोगिता : टेबल टेनिसमा बागमतीलाई ३ स्वर्ण, ३ रजत

    पोखरा । पोखरा रंगशालामा बुधबारदेखि सुरु भएको यू–१५ विद्यालय स्तरीय खेलकुद प्रतियोगितामा टेबल टेनिस अन्तर्गत...

    तनहुँलाई टाइब्रेकरमा हराउदै गण्डकी प्रदेशस्तरीय फुटबलको उपाधि कास्कीले उचाल्यो

    गोबिन्द,पर्बत। गण्डकी प्रदेशस्तरीय फुटबल प्रतियोगिताको उपाधि कास्की जिल्लाले जितेको छ । पोखरा रंगशालामा सम्पन्न फाइनलमा...

    सिसिटिभि क्यामेरा जोभिजन ब्राण्ड पोखरामा

    पोखरा । सिसिटिभि क्यामेरा जोभिजन ब्राण्डका पदाधिकारी र लायन्स क्लब अफ पोखरा इन्फर्मेशन टेक्नोलोजीका पदाधिकारी...

    पोखरामा दोश्रो एम्योचर फुटसल प्रतियोगिता हुने

    पोखरा । आयोजक प्रो फिट्स एफ.सी. पोखरा १७ कास्कीको आयोजनामा पोखरामा दोश्रो एम्योचर फुटसल प्रतियोगिता...

    Loading…

    फेसबुकमा हामीलाई लाईक गरौं