SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७९/१/२५ गते
    ७१० &#२३४६;&#२३३५;&#२३२५;

    सुचनाकेन्द्र डटकम डेस्क, पर्वत । वैशाख ३० गते हुन गैरहेको स्थानीय तहको निर्वाचनमा कुश्मा नगरपालिकाको उपमेयरमा उम्मेदवारी दिएकी स्वस्थानी रिजाल अकुत सम्पत्तिको मुद्धामा मुछिएकी छन् । सदाचारीताको र भ्रष्टचार बिरोधी नेकपा एमालेको पार्टीबाट उपमेयरमा उम्मेदवारी दिएकी उनको अकुत सम्पत्ति काण्ड बाहिरिएसँगैं इमान्दार कार्यकर्ता यतिखेर झस्किएका हुन् ।

    अख्यिार अनुसन्धान आयोगले नै एमाले नेतृ स्वस्थानी रिजाल र उनको श्रीमान बिरुद्ध बिषेस अदालतमा मुद्धा दर्ता गराएको र सो मुद्धा फैसला नभएको भन्दै रिजालको उमेद्बारी खारेजीको माग सहित मुद्धा दर्ता समेत भएको थियो ।

    अख्यिार अनुसन्धान आयोग अकुत सम्पत्ती आर्जन गरेको र सम्पत्तीको श्रोत नखुलेको ठहर गरी कारवाहीका लागि विशेष अदालतमा मुद्धा दायर गरेको व्यक्तिलाई कसरी आफ्नो अमूल्य मत दिने भनी इमान्दार कार्यकर्ता चिन्तित बनेका हुन ।

    राजस्व अनुसन्धान विभागमा जागिरे रहेका श्रीमती रिजालका श्रीमान् रामजी रिजालले स्रोत खुलाउनै नसकिने करोडौ रकम गै¥हकानुनी तवरले कमाएका थिए । श्रीमान्ले कमाएको अकुत कालो धनलाईलाई सेतो बनाउन उपमेयरकी उम्मेदवार रिजालले विभिन्न व्यापारव्यवसायमा लगानी गर्दै आएको समेत अख्यिार अनुसन्धान आयोगले खुलाएको छ ।

    रिजालका पति रामजी २०४१ सालमा नेपाल सरकारको स्थायी कर्मचारी भैइ २०७४ सालमा राजस्व अनुसन्धान विभाग ललितपुरबाट अनिवार्य अवकास लिएका हुन् । उनले सोही अवधिमा स्रोत खुलाउन नसकेको अकुत सम्पत्ति आर्जन गरेका थिए । श्रीमान्ले आर्जन गरेका अकुत सम्पत्तिमा रजाई गरेको पाइएपछि अख्तियारले उपमेयरकी उम्मेदवार रिजाललाई समेत प्रतिवादी बनाएको छ । यस्तो अबस्थामा उनलाई मत दिएर कसरी बिजय गराउन सकिन्छ भन्दै एमाले कार्यकर्ताहरुमा नै नेतृत्व प्रति तिब्र आक्रोस रहेको समाचार श्रोतहरु बताउँछन् ।

    नाम नखुलाउन आग्रह गर्दै एक नेताले सुचनाकेन्द्र डटकमलाई भने यो त पार्टीको निर्णय भएर बाध्यतामा हिडिएको छ तर उहाँको पक्षमा नागरीकहरुमा राम्रो बुझाई छैन, यसको कारण पुरै कुश्मा नगर कै चुनावमा एमाले पराजय भन्न सक्ने अबस्था छ उनी भन्छन् ।
    अख्तियार अनुसन्धान आयोगका अनुसार रिजाल र उनको श्रीमान्ले रु.२,९७,३८,३१० दुई करोड सन्तानव्वे लाख अठतिस हजार तीन सय दश रुपैयाँ श्रोत नखुलेको रकम आर्जन गरेका छन् । भ्रष्टचार निवारण ऐन, २०१७ को दफा १५ एवं प्रचलित भ्रष्टचार निवारण ऐन २०५९ को दफा २ को उपदफा १ बमोजिम भ्रष्टचार गरेका पुष्टि हुन आएको अख्तियारले उल्लेख गर्दैै कारवाहीको माग गरी विशेष अदालतमा मुद्धा दर्ता गरी सो मुद्धा विचाराधिन रहेको छ ।

    चुनावमा निर्वाचन अधिकृतको कार्यालय पर्वतमा स्वस्थानी रिजालका विरुद्ध उनको उम्मेदवारी खारेजीको माग गर्दै मुद्धा परेको थियो । सो समयमा निर्वाचन अधिकृतले अहिले मुद्धा अदालतमा फैसला नभएको अबस्थामा निर्वाचनमा भाग लिन पाए पनि रिजालको बिरुद्धमा फैसला आउना साथ सो पद खाली हुने बताएका थिए । त्यसकारण चुनावमा उपमेयर जिति हाले पनि स्वतः उनको पद जाने र पुनः उपमेयरको उपनिर्वाचन गर्नु पर्ने हुन्छ ।

    विशेष अदालतमा भ्रष्टचारको मुद्धा खेपिरहेकी रिजाललाई उपमेयर जस्तो अर्धन्यायिक भूमिका खेल्नुपर्ने महत्वपूर्ण पदमा उम्मेदवारी दिन लगाउने एमाले पार्टीका नेताका विरुद्ध अहिले इमान्दार कार्यकर्ता पंक्ति नै आक्रोशित बनेका छन् । भ्रष्टचारको आरोपमा मुद्धा खेपिरहेकी पात्र यदि हारेमा यसले सिंगो पार्टी र संगठनकै बेइज्जती हुने डर आम एमाले कार्यकर्ता पंक्तिमा छ ।

    इमान्दार र त्याग गरेका दर्जनौ एमाले नेतृहरु मुगा पोखरेल, कमला पन्त, सरस्वती भण्डारी लगायतका हुँदाहुँदै किन भ्रष्टचारको मुद्धा विशेष अदालतमा विचाराधिन रहेकी रिजाललाई उपमेयरको उम्मेदवार बनाईयो ? यतिखेर यो प्रश्नले एमालेका कार्यकर्ता मात्र हैन भ्रष्टचार विरोधी न्यायप्रेमी समस्त जनसमुदायलाई घोचिरहेको छ ।

    सवैभन्दा बढी चिन्ता भने पार्वती जन्मेको पवित्र भूमि पाङका न्यायप्रेमी जनसमुदायलाई परेको छ । त्यहीका एक एमाले पार्टीमा मत राख्ने हरि रिजालले भने –भ्रष्टचारीलाई किरा परोस् भन्ने हामीले भ्रष्टचारकै आरोपमा मुद्धा खेपेकी स्वस्थानीलाई भोट दिदा त हात काम्ने होला नि ? उनको यो भनाईसँगै भेगीय नारा लगाई भोट तान्ने एमालेको चतुराई फेल खाने भएको छ । उपमेयरकी उम्मेदवार रिजालको गाउँ पाङ भएकोले उनको पक्षमा भेगीय नारा लगाई भोट तान्ने दाउ एमाले पार्टीको थियो ।

    यस्तो छ अख्यिार अनुसन्धान आयोगले नै एमाले नेतृ स्वस्थानी रिजाल र उनको श्रीमान बिरुद्ध बिषेस अदालतमा दर्ता गराएको मुद्धा

    प्रतिकृया दिनुहोस्

    Loading...

    दुखद् खबर : पर्वतको परादीमा भएको टाटा सुमो दुर्घटनामा परी १३ जना घाइते

    पर्वत । पर्वतको कुश्मा नगरपालिका–८ चुवा स्थित परादी नजिकै भएको सवारी दुर्घटनामा परी १३ जना...

    कु.न.पा १० पिपलटारी मा नेकपा एमाले को प्यानल बिजयी

    रबिन सुबेदी,पर्वत । कुश्मा १० पिपलटारी को मतगणना सम्पन्न भएको छ । वडा अध्यक्षमा  रामचन्द्र...

    हार स्वीकारेर घर पुगेका उम्मेदवार तीन भोटले विजयी भएपछि…

    कैलाली । कैलालीको घोडाघोडी नगरपालिका-११ को मत गन्दागन्दै हार्ने सोचेर फर्केका जसपाका वडाअध्यक्ष उम्मेदवार दानसिंह...

    हेटौंडा उपमहानगरमा राप्रपाको अग्रता

    हेटौंडा उपमहानगरपालिकामा राष्ट्रिय प्रजातन्त्र पार्टी (राप्रपा)का उम्मेदवार दिपक बहादुर सिंहले अग्रता लिएका छन् । २२...

    तीव्र गतिमा लौरो, सुस्त गतिमा घाम, हेर्नुस् काठमाडौंको पछिल्लो मतपरिणाम

    काठमाडौं । काठमाडौं महानगरपालिकाको मेयरका उम्मेदवार बालेन शाहले फेरि मतान्तर बढाएका छन् । पछिल्लो मत...

    Loading…

    फेसबुकमा हामीलाई लाईक गरौं