SuchanaKendra

  • Radio Kushum


  • आज : २०७८ कार्तिक ५ गतेPreeti to UnicodeUnicode to PreetiRoman to UnicodeDate Converter
    सुचनाकेन्द्र संवाददाता प्रकाशित : २०७८/१/३१ गते
    ३०५ &#२३४६;&#२३३५;&#२३२५;

    काठमाडौं । मदनभण्डारी स्वास्थ्य विज्ञान प्रतिष्ठान हेटौंडा (हेटौंडा अस्पताल)मा अक्सिजन अभाव भएको छ । यसले ४० जनाभन्दा बढी गम्भीर अवस्थाका कोरोना संक्रमितसहितका बिरामीको जीवन जोखिममा परेको छ ।

    अस्पताल सञ्चालन तथा व्यवस्थापन समितिका अध्यक्ष राजेश प्रसाईं अक्सिजन व्यवस्थापनका लागि सबै तिर पहल गर्दा पनि निरीह बन्नुपरेको बताउँछन् । अबको दुई-तीन घण्टाभित्र अक्सिजन आपूर्ति सहज हुन नसके अवस्था भयावह हुने उनले बताए । अक्सिजन अभावमा हुन सक्ने जोखिमलाई मध्यनजर राखेर अक्सिजन भएका स्वास्थ्य संस्थामा बिरामी पठाउन थालिएको उनले बताए ।

    ‘युद्धमा बन्दुक बाेकेका सिपाहीसँग गोली नभए के हुन्छ ? हामी त्यस्तै भयौं,’ उनले भने, ‘अक्सिजन महामारीसँगको लडाइँमा न्यूनतम् साधन हो, केही उपाय नलागेपछि हिजोसम्म ६२ जनालाई हाई फ्लो अक्सिजनसहतिको सेवा दिइरहेकोमा अब १५ जनामा झार्ने निष्कर्षमा पुगेका छौं ।’

    ‘दिनमा २४० सिलिन्डर अक्सिजन आवश्यक पर्छ,’ प्रसाईंले भने,’३-४ दिनदेखि अस्पतालले विभिन्न तवरबाट अक्सिजन व्यवस्थापन गरेको थियो, हिजोबाट ठूलो समस्या पर्‍यो ।’

    उद्योगहरुले अक्सिजन आपूर्तिमा असमर्थता जनाएपछि हिजैदेखि अस्पतालले बाग्मती प्रदेशका मुख्यमन्त्री डोरमणि पौडेल, प्रदेशका मन्त्रीहरु, गृहमन्त्री रामबहादुर थापा बादल, गृहसचिव महेश्वर न्यौपाने लगायतलाई समस्याबारे जानकारी गराएको थियो । मुख्यमन्त्रीको पहलका आधारमा ज्योती समूहको भाजुरत्न इन्जिनियरिङले दैनिक सय सिलिन्डर आपूर्ति गरिरहने प्रतिवद्धता जनाएको थियो ।

    बिहीबार साँझ मकवानपुरका प्रमुख जिल्ला अधिकारीलाई नै उद्योग सञ्चालकले दैनिक हेटौंडा अस्पतालका लागि सय सिलिन्डर अक्सिजन दिन तयार रहेको बताएका थिए । त्यसैगरी बारा र पर्साबाट पनि थप सिलिन्डर ल्याउने अस्पतालको योजना थियो ।

    ‘दिउँसो १ बजेसम्म सिलिन्डरहरु आइपुग्नुपर्ने हो, तर अहिले सम्बन्धित जिल्ला प्रशासन कार्यालयहरुले आफ्नै जिल्लामा अभाव रहेकाले थप सिलिन्डर बाहिरी जिल्लामा नपठाउने निर्णय गरेको भन्दै उद्योग सञ्चालकहरु पन्छिुनुभयो,’ प्रसाईंले भने, ‘हामीले जति हारगुहार गर्दा पनि केही लागेन ।’

    उनका अनुसार अक्सिजन व्यवस्थापनबारे मुख्यमन्त्रीदेखिको सबै सम्बद्ध पक्षले पहल गरेकाले तत्कालको संकट टार्न भन्दै सेनाको गाडी बारामा अक्सिजन लिन पुगेको छ । ‘तर, त्यो गाडी फर्किन पनि केही घण्टा लाग्छ,’ अध्यक्ष प्रसाईंले भने,’त्यतिबेलासम्म यहाँ अक्सिजन सकिसक्छ ।’

    उनका अनुसार बिरामीलाई चितवन पठाउन खोजिए पनि चितवनमै बेड अभाव भएकाले सम्भव नभएको उनले बताए ।

    ‘चितवनमा नै केही बिरामी काठमाडौं पठाउन जिल्ला प्राशसनमा छलफल चलिरहेको रहेछ,’ उनले भने,’सिन्धुलीको अस्पतालले भने १०-१२ जना जति पठाइदिनुस् भनेको छ, बाँकी बिरामीलाई के गर्ने भन्ने ठेगान भएको छैन ।’

    अहिले इच्छुकहरुलाई नर्ससमेत राखेर तयार एम्बुलेन्समा सिन्धुलीमा जान भनिएको छ । कतिपय बिरामीका आफन्त भने आफैं अक्सिजन जुटाउन दौडधुप गरिरहेका छन् । केहीले अस्पतालको अनुरोधमा अन्यत्र नै जान थालेका छन् ।

    एक विज्ञप्ति जारी गर्दै अस्पताल सञ्चालन तथा व्यवस्थापन समितिले अब आईसीयू र एचडीयूमा भर्ना भएका बिरामीका लागि ३ घण्टालाई मात्र पुग्ने अक्सिजन मौज्दातमा रहेको बताएपछि अस्पतालमा बिरामी र बिरामी कुरूवा तनावमा छन् ।

    प्रतिकृया दिनुहोस्

    Loading...

    प्रधानन्यायाधीशको राजीनाको विपक्षमा एमाले

    नेकपा एमाले एकाएक युटर्न भएको छ । सिंगो न्यायालयको धज्जी उडाउन मेनरोल खेलेको आरोप खेपेका...

    मानव वेचविखनवाट पीडित तथा प्रभावितहरूको सहयोगका लागि वार्षिक छलफल कार्यक्रम कृष्णनगरमा सम्पन्न 

    कृष्णनगर, कपिलवस्तु, | मानव वेचविखनवाट पीडित तथा प्रभावितहरूको सहयोगका लागि वार्षिक सार्वजनिक छलफल एकदिने कार्यक्रम...

    नेपाल बारले माग्यो प्रधानन्यायाधीशको राजीनामा

    काठमाडौं । कानुन व्यवसायीहरुको छाता संस्था नेपाल बार एशोसिएसनले पनि प्रधानन्यायाधीश चोलेन्द्रशम्सेर जबराको राजीनामा मागेको...

    पाँचथर बस दुर्घटनामा घाइते भएका दुई जनाको मृत्यु !

    पाँचथर। फिदिम नगरपालिका -४ सरखण्डेमा भएको बस दुर्घटनामा घाइते भएका दुई जनाको मृत्यु भएको छ...

    पाँचथरमा बस दुर्घटना, ५४ घाइते केहीको अवस्था चिन्ताजनक…

    पाँचथर । पाँचथरमा बस दुर्घटना हुँदा ५४ यात्रु घाइते भएका छन् । घाइतेमध्ये केही यात्रुको...

    Loading…

    फेसबुकमा हामीलाई लाईक गरौं