SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७७/३/३० गते
    १५८५ &#२३४६;&#२३३५;&#२३२५;

    पर्वत । जिल्लाको कुश्मा नगरपालिका १२ ठूलीपोखरीमा विद्युत सेवा अवरुद्ध हुँदा उपभोक्ता मर्कामा परेकाछन् । ठूलीपोखरी सामुदायिक विद्युतीकरण उपभोक्ता समितिको लापरवाहीका कारण लामो समयसम्म विद्युतको बिल भुक्तानी नहुँदा नेपाल विद्युत प्राधिकरण पर्वत शाखाले बिद्युतको लाईन काटेको हो ।

    भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

    विगत एक वर्षदेखि समितिले विद्युतको रकम भुक्तानी नगरेका कारण लाईन कटौती गर्नु परेको नेपाल विद्युत प्राधिकरण पर्वतले जनाएको छ । समयमा रकम भुक्तानी नहुँदा प्राधिकरण कुस्मामा ७ लाख ५० हजार बढि रकम तिर्नुपर्ने भएपछि लाईन कटौती गरिएको प्राधिकरण कुस्मा वितरण केन्द्रका प्रमुख ललित नारायण चौधरीले बताउनुभयो । ‘समयमा महशुल नतिर्दा लाईन काटिएको हो’ चौधरीले भन्नुभयो–‘धेरै पटक ताकेता गर्दापनि महशुल भुक्तानी नभएपछि लाईन काट्न बाध्य भएका हौं ।’

    समितिले मासिक रुपमा उपभोक्तासँग महशुल वापतको रकम उठाउने गरेको भएपनि प्राधिकरणमा लगेर नतिर्ने गरेको पाईएको छ । यसले गर्दा उपभोक्ताबाट लिएको रकम समेत दुरुपयोग भएको साथै समयमा बिल नतिर्दा अनावश्यक जरिवाना र हर्जना समेत लाग्ने गरेको छ ।

    समितिले गरेको लापरवाहीका कारण उपभोक्ताहरु मासिक रुपमा बिल भुक्तानी गरेर पनि अन्धकारमा बस्नु परेको गुनासो गर्छन् । ‘हामीले ऋण खोजेर मासिक रकम तिर्छौं’ स्थानीय गणेश पौडेलले भन्नुभयो– ‘सतितिले लापरवाही गर्छ यसको मार पनि उपभोक्ताले नै खेप्छौं ।’
    सामुदायिक विद्युतीकरण समितिहरुलाई नेपाल विद्युत प्राधिकरणले महशुलमा छुट समेत दिन्छ । प्राधिकरणले समितिलाई दिएको छुट रकमबाट मर्मत संभार तथा व्यवस्थापन गर्नुपर्ने भएपनि ठूलीपोखरी विद्युतीकरण उपभोक्ता समितिले प्रत्येक वर्ष १ देखि ३ लाखसम्म घाटा भएको देखाउँदै आएको छ । यता उपभोक्ता समितिले भने समितिको कमजोरी भएको स्वीकार गरेको छ ।

    समयमा विद्युत महशुल नतिरेका कारण गत वर्ष पनि प्राधिकरणले विद्युत लाईन काटेको थियो । समितिको वेवास्ता र लापरवाहीका कारण सँधै समस्या आउने गरेकाले उपभोक्ताहरु नयाँ समिति गठनको माग गरेका छन् । समितिले निर्माण अवधिदेखि हालसम्म आय व्यय सार्वजनिक गर्न नसक्दा झनै समस्या भएको छ । समितिमा प्रत्येक महिना २० देखि ५० हजारसम्म आम्दानी हुने गरेको भएपनि सँधै घाटामा जाँदा उपभोक्ताहरु आर्थिक अनियमितता गरेको आरोप लगाउँछन् ।

    प्रतिकृया दिनुहोस्

    Loading...

    सत्ता गठबन्धनले बनाएको कार्यदलको पहिलो बैठक सिट बाँडफाँट गर्न बस्दै

    काठमाडौं । आगामी मंसिर ४ गते तोकिएको प्रदेश र प्रतिनिधि सभा सदस्य निर्वाचनका लागि सिट...

    राप्रपा प्रवक्ता ज्ञानेन्द्र शाही जुम्लाबाट चुनाव लड्ने

    काठमाडौं । राष्ट्रिय प्रजातन्त्र पार्टी (राप्रपा)का एक जना प्रवक्ता ज्ञानबहादुर शाही (ज्ञानेन्द्र शाही)ले जुम्लाबाट प्रतिनिधि...

    “फेरिन नसकेको सोच” : धुर्व केसी | Dhurba Kc

    धुर्व केसी | Dhurba Kc जस्तो बीउ छरिन्छ , आखिर उम्रने बोट त्यस्तै हो! ।...

    डा.सीके राउतले लिए स्वामीको हातबाट ‘सन्यास’

    काठमाडौं, । एक साता अघि ओशो तपोवन आश्रम पुगेका जनमत पार्टीका अध्यक्ष डा.सीके राउतले सन्यास...

    अब बिजुलीका तारै पुर्‍याइन्छ, ग्यासका पाइप चुलोमा लैजानुपर्दैन : केपी ओली

    काठमाडौं । नेकपा एमालेका अध्यक्ष केपी शर्मा ओलीले अब ग्यासका पाइप चुलोमा लैजानुपर्ने आवश्यकता नपर्ने...

    Loading…

    फेसबुकमा हामीलाई लाईक गरौं